Koronavirus xəstəsinin psixoloji problemləri və onun həlli yolları – VİDEO
Azərbaycanda ilk dəfə koronavirusdan sağalmış xəstə ilə psixoloji konsultasiyanı əks etdirən sosial çarx hazırlanıb.
1news.az-ın məlumatına görə, çarxda keçmiş COVİD-19 xəstəsi xəstəlik zamanı və karantində olduğu dövrdə yaşadığı məhrumiyyətlərindən, hiss və təşvişindən bəhs etməklə yanaşı hal-hazırda onu narahat edən problemləri də vurğulayır.
Psixoloqla seans ərzində bu təhlükələri aradan qaldırmağın yolları tapılır. Keçmiş COVİD-19 xəstəsi həm də koronavirus pandemiyasının psixoloji fəsadlarından qorunmaq üçün vətəndaşlara tövsiyələr verir.
Koronavirusun son zamanlar kütləvi yayılmasının artdığını nəzərə alsaq sözügedən çarx həm virusa yoluxmuş, həm də bu təhlükəli xəstəlikdən özünü qoruyan bütün vətəndaşlar üçün maraqlı olacaq.
Qeyd edək ki, sosial çarx "Vətəndaşların postpandemiya dövrünə adaptasiya olunması üçün psixoloji yardımların təşkili" layihəsinin tərkib hissəsidir. Layihə çərçivəsində çarxın hazırlanması ilə yanaşı 150-dən çox vətəndaşla onlayn formada fərdi psixoloji konsultasiyalar keçirilib.
“Addım” GİM İctimai Birliyi maliyyə dəstəyinə görə Azərbaycan Respublikası Prezidenti yanında Qeyri-Hökümət Təşkilatlarına Dövlət Dəstəyi Şurasına, texniki dəstəyə görə TƏBİB-ə, məkan dəstəyinə görə isə NƏFƏS Psixonevroloji Mərkəzinə təşəkkür edir.
1news.az
