Şahmar Mövsümov: Peyvənd olmayana qədər belə vəziyyət davam edəcək
“COVİD-19-a qarşı peyvənd olmayana qədər belə vəziyyət davam edəcək və biz də qapanmalara getməyə məcbur olacağıq”.
1news.az-ın məlumatına görə, bunu Azərbaycan Respublikası Prezidentinin köməkçisi – Prezident Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov deyib:
“Hazırda Azərbaycan vaksinin hazırlanması ilə bağlı bütün prosesləri izləyir. Biz də ümid edirik ki, ən təhlükəsiz vaksinləri alıb, ölkəmizə gətirə biləcəyik".
Ş.Mövsümov qeyd edib ki, artıq 2 ölkədə peyvəndlənmə aparılacaq.
“Böyük Britaniya peyvənddən istifadəyə başlayıb, Türkiyə də Çindən istehsalı vaksinlərin tətbiqinə başlayacaq. Azərbaycanda ilk növbədə kimlərin peyvənd ediləcəyi barədə əlavə məlumat veriləcək”.
Qafar Ağayev
