ETSN: Qanunla 15 mikrona qədər olan polietilen torbaların istehsalı, idxalı və satışı qadağandır

“Yeni qanunla 15 mikrona qədər olan polietilen torbaların istehsalı, idxalı və satışı qadağan olunur”.

1news.az-ın məlumatına görə, bunu Ekologiya və Təbii Sərvətlər Nazirliyinin təşkilatçılığı, ölkədə fəaliyyət göstərən iri marketlərin satış və marketinq üzrə mütəxəssislərinin iştirakı ilə onlayn görüşdə nazirliyin sektor müdiri Mehman Nəbiyev deyib.

O bildirib ki, “pinqvin” torbalar deyilən nazik polietilen torbalardan başqa yüngül torbalar var ki, onların çəkisi dəqiqləşdirilməlidir: “Bununla bağlı aidiyyəti qurumlara tapşırıqlar verilib. Həmçinin qanunun pozulması ilə bağlı cərimələr müəyyən olunub”.

1news.az