Cəmiyyət

Bakıda 11 avtomobil toqquşub, xəsarət alanlar var - FOTO

09:26 - 22 / 01 / 2021
Bakıda 11 avtomobil toqquşub, xəsarət alanlar var - FOTO

Bakının Xəzər rayonunda yolun buz bağlaması yol qəzasına səbəb olub.

1news.az-ın APA-ya istinadən verdiyi xəbərə görə, hadisə Mərdəkan qəsəbəsindən şəhərin mərkəzi istiqamətində olan körpünün üzərində baş verib.

Əvvəlcə yolun buz bağlaması "VAZ 2107" markalı avtomobil sürücüsünün sükana nəzarətini itirməsinə səbəb olub. Avtomobil arakəsməyə çırpılaraq iki yerə bölünüb. Daha sonra yolun sürüşkən olması 10 avtomobilin toqquşması ilə nəticələnib. Qeydə alınan qəza zamanı ümumilikdə 8 nəfər xəsarət alıb.

Əraziyə-hüquq mühafizə orqanı əməkdaşları cəlb edilib. Hazırda körpünün üzərində hərəkət məhdudlaşdırılıb. AAYDA-nın xüsusi texnikası vasitəsilə yola qum və duz səpilir.

1news.az

Son xəbərlər

Bütün xəbərlər

Next TV