Taksi xidməti – “Çıxışa doğru”da MÜZAKİRƏ – FOTO – VİDEO
Taksi xidməti son illər Azərbaycanda, daha dəqiq desək, Bakıda ən sürətlə inkişaf edən biznes sahəsidir.
Paytaxtda demək olar ki, hər ay yeni bir taksi xidməti yaradılır. İlk baxışdan bu proses sadə görünür – qısa nömrə almaq, ofis tutmaq, sifarişlərin qəbulu və əlaqələndirilməsi üçün bir neçə operator işə qəbul etmək və bir xeyli taksi sürücüsü ilə əməkaşlıq etmək.
Amma belə güclü rəqabət şəraitində bazar payını qorumaq üçün müxtəlif taksi xidmətlərində qiymətlər də fərqlidir. Taksi xidmətindən istifadə edənlərin sayının getdikcə artması və bu sahəyə marağın böyüməsi təbii ki, qiymətlərə öz təsirini göstərməyə bilməz...
1news.az-ın verdiyi xəbərə görə, AzTV-nin “Çıxışa doğru” verilişində “Taksi xidməti” mövzusunda aparılan müzakirələr zamanı bu barədə ətraflı danışılıb. Verilişin qonaqları – Bakı Nəqliyyat Agentliyinin (BNA) mətbuat xidmətinin rəhbəri Mais Ağayev, AzTU- nun logistika və nəqliyyatın təhlükəsizliyi kafedrasının dosenti Fərhad Eyyubov, *9933 taksi xidmətinin direktoru Anar Agayev və “Ulduz Taxi” taksi parkının müdiri Emin Əlizadə mövzu ətrafında müzakirə aparıblar.
“Çıxışa doğru” verilişini bütöv şəkildə Azərbaycan Televiziyasının “YouTube” kanalından izləyə bilərsiniz:
S.Xankişiyeva
