“Davranış Mədəniyyəti Konsepsiyası”nın hazırlanması ilə bağlı sorğu keçirilir | 1news.az | Xəbərlər
Cəmiyyət

“Davranış Mədəniyyəti Konsepsiyası”nın hazırlanması ilə bağlı sorğu keçirilir

17:21 - 08 / 04 / 2021
“Davranış Mədəniyyəti Konsepsiyası”nın hazırlanması ilə bağlı sorğu keçirilir

Azərbaycan Respublikasının Mədəniyyət Nazirliyi vətəndaşları “Davranış Mədəniyyəti Konsepsiyası”nın hazırlanmasına dair sorğuda iştirak etməyə dəvət edir.

1news.az xəbər verir ki, Azərbaycan Respublikasının Prezidenti İlham Əliyevin mədəniyyət nazirini qəbul edərkən səsləndirdiyi “Mədəni irsimizin qorunması, saxlanılması, Azərbaycan mədəniyyətinin dünyaya təbliği, gənc nəslin Azərbaycan mədəniyyətindən, mədəni irsindən xəbərdar olması və milli ruhda tərbiyəsi işində Mədəniyyət Nazirliyinin rolunun yenidən formalaşdırılması” ilə bağlı strateji göstərişin icrası məqsədilə nazirliyin bu istiqamətdə fəaliyyəti üçün əsas platforma rolunu oynayacaq “Davranış Mədəniyyəti Konsepsiyası”nın hazırlanması prosesinə başlanılıb. Bu prosesin ilkin mərhələsi olaraq ictimai rəyin öyrənilməsi məqsədilə sorğu keçirilir.

Sorğunun keçirilməsinin məqsədi gənclərə milli-mənəvi dəyərlərin aşılanması, milli ruhda tərbiyə edilməsi və milli mənsubiyyətimizin qorunmasına töhfə verəcək “Davranış Mədəniyyəti Konsepsiyası”nın hazırlanmasında vətəndaşların rəyinin öyrənilməsidir. Milli-mənəvi dəyərlərə sahib cəmiyyətin, ələxsus gənc nəslin inkişafı Azərbaycanın daxili siyasətinin mühüm istiqamətlərindəndir. Azərbaycan Respublikasının Prezidenti İlham Əliyev milli-mənəvi dəyərlərin və mədəniyyətimizin əhəmiyyətini vurğulayaraq qeyd edib ki, “Xalqımızın iradəsi, milli köklərə bağlılığı imkan vermədi ki, xalqımız assimilyasiyaya uğrasın. Bizim mədəniyyətimiz milli mənsubiyyətimizi qorumaq üçün başlıca rol oynamışdır”.

Tariximizin müxtəlif dövrlərində milli-mənəvi dəyərlərimiz meyar olaraq xalqımızın milli düşüncəsinə, onun bir vətəndaş kimi formalaşmasına təsirini göstərib, bu gün də yetişən nəsil məhz bu prosesin içərisində özünü, Azərbaycançılıq məfkurəsini dərk edərək mövqeyini müəyyənləşdirib. Ümummilli lider Heydər Əliyev 2001-ci il noyabrın 9-da Dünya azərbaycanlılarının I qurultayında dövlətin siyasətini səciyyələndirərkən onun prioritet istiqamətini belə ifadə edib: "Müstəqil Azərbaycan dövlətinin əsas ideyası azərbaycançılıqdır. Hər bir azərbaycanlı öz milli mənsubiyyətinə görə qürur hissi keçirməlidir və biz azərbaycançılığı - Azərbaycanın dilini, mədəniyyətini, milli-mənəvi dəyərlərini, adət-ənənələrini yaşatmalıyıq".

Bizim milli kimliyimizin əsas daşıyıcısı isə üçrəngli bayrağımızdır. Bayrağımızın daşıdığı ideallarına, xalqımızın milli-mənəvi dəyərlərinə sadiq nəslin yetişməsi bizim başlıca amalımıza çevrilib. Belə ki, Dövlət atributlarını bərpa edən ulu öndər Heydər Əliyev demişdir: "Azərbaycan bayrağı sadəcə bayraq deyil. O bizim dövlətçiliyimizin, müstəqilliyimizin rəmzidir. Bu bizim müstəqil dövlətimizin rəmzidir. Ona görə də gərək hər bir Azərbaycan vətəndaşı, xüsusən gənc nəsil bunu dərk etsin, qiymətləndirsin...".

44 günlük “Vətən müharibəsi” zamanı Ali Baş Komandanın rəhbərliyi altında bayrağımızın ifadə etdiyi dəyərləri yaşatmaq və yüksəltmək üçün canını və sağlamlığını düşünmədən fəda edən Azərbaycan əsgəri bayrağımızın müqəddəsliyini yeni bir mərhələyə qaldırıb. Bununla da tarixin yeni səhifəsinə qədəm qoyan Azərbaycan xalqının qarşısında gündəlik həyatında da bayrağımızın ideallarının ətrafında daim səfərbər olmaq və dəyərlərini yaşatmaq kimi şərəfli vəzifə durur.

“Davranış Mədəniyyəti Konsepsiyası”nın da məqsədi bu fikir və dəyər səfərbərliyini asanlaşdıracaq ümumi platformanın yaradılmasıdır.

Qeyd edək ki, keçirilən sorğu vasitəsilə vətəndaşların milli və bəşəri dəyərlər haqqındakı fikirləri öyrəniləcək, bu dəyərlərin cəmiyyətdə mənimsənilməsi, qiymətləndirilməsi və insanların gündəlik həyatlarına olan təsiri ilə bağlı məlumatlar əldə ediləcək. Hazırlanan sorğudan əldə olunan məlumatlar milli-mənəvi dəyərlərə yanaşmanın müəyyənləşdirilməsi və vahid bir konsepsiyanın hazırlanmasında vacib mərhələdir.

Sorğuda könüllü olaraq 18 yaşından yuxarı hər bir Azərbaycan vətəndaşı iştirak edə bilər. Sorğu kompaniyası 1 (bir) ay müddətində aparılacaqdır.

Sorğuya keçid üçün https://forms.gle/v2CvcoYjUB2Kw9U9A linkindən istifadə edə bilərsiniz.

Paylaş:
210

Son xəbərlər

Dolların sabaha olan rəsmi məzənnəsi açıqlanıb22 / 04 / 2021, 18:01Xalq artisti telekanalları günahlandırdı - Zövqsüz mahnılar meydan sulayır22 / 04 / 2021, 17:38Cəmiyyət və küçə uşaqları –“Çıxışa doğru”da MÜZAKİRƏ – FOTO – VİDEO22 / 04 / 2021, 17:23Sabah YAP İdarə Heyətinin iclasında Hüseynbala Mirələmovun məsələsinə baxılacaq22 / 04 / 2021, 17:16Palçıq Vulkanları Turizm Kompleksinin binası krater formasında olacaq22 / 04 / 2021, 17:00“Soros fondu Azərbaycana təzyiq üçün axtardığı boşluqları çox vaxt AŞPA-da tapır” - Deputat22 / 04 / 2021, 16:58DİN vətəndaşları kibercinayətkarlara qarşı ayıq-sayıq olmağa çağırdı22 / 04 / 2021, 16:42Abşeron rayonunda Palçıq Vulkanları Turizm Kompleksinin təməli qoyulub - FOTO - YENİLƏNİB22 / 04 / 2021, 16:38İƏT-in Milli Xəbər Agentlikləri Birliyinin saytı Prezident İlham Əliyevin xalqımızın Zəngəzura qayıdacağı ilə bağlı fikirlərini yayıb22 / 04 / 2021, 16:35Bayden “erməni soyqırımı” ifadəsini işlətməyəcək - Politoloq22 / 04 / 2021, 16:30Moskvada ermənilər azərbaycanlını vəhşicəsinə döyüb, pulunu əlindən aldılar – VİDEO22 / 04 / 2021, 16:03Cəbrayıl rayonunun Şahvələdli kəndi - VİDEO22 / 04 / 2021, 15:48Fransalı hüquqşünas Ağdamda açıqlama verib: Avropalılar bura gəlib, hər şeyi öz gözü ilə görməlidir22 / 04 / 2021, 15:45Modul Tipli Hospitalın həbs edilən baş həkimi İmran Ağayev kimdir?22 / 04 / 2021, 15:40Fransalı hüquqşünaslar Ağdamda səfərdədilər - FOTO22 / 04 / 2021, 15:27Vaksinasiya prosesində nöqsanlara yol verən daha 2 nəfər işdən çıxarıldı - VİDEO22 / 04 / 2021, 15:21“Yeni Klinika” və Modul Tipli Xəstəxananın rəhbərlərinin həbs görüntüləri yayıldı - VİDEO22 / 04 / 2021, 15:00Milli Paralimpiya Komitəsində “Tokio 2020” XVI Yay Paralimpiya Oyunlarına hazırlıq davam etdirilir22 / 04 / 2021, 14:55Türkiyənin müdafiə naziri Ermənistana çağırış edib22 / 04 / 2021, 14:11Pakistanın Qlobal və Strateji Araşdırmalar Mərkəzinin icraçı direktoru Ağdama səfərindən yazıb22 / 04 / 2021, 14:01
Bütün xəbərlər

Next TV