“Yeni təqaüd qaydaları və imkansız tələbələrin təhsil haqqından azad olunması” - “Çıxışa doğru”da MÜZAKİRƏ
Artıq tələbələr təqaüdlərini akademik göstəricilərə, yəni təhsil nailiyyətlərinə əsasən ala biləcəklər.
Yeni qaydaya əsasən, fənlər üzrə göstəriciləri 91-100 bal olan tələbələrə "əlaçı" təqaüdü, fənlər üzrə göstəriciləri 71-100 bal olan tələbələrə "həvəsləndirici" təqaüdü veriləcək. Bu halda ən azı bir fəndən akademik göstəricisi 91-100 olmalıdır; fənlər üzrə göstəriciləri 51-100 bal olan tələbələrə "adi" təqaüd veriləcək. Ancaq göstəriciləri bu ballara uyğun olmayan tələbələrin isə təqaüdləri kəsiləcək. Yeni qaydaları tələbələr birmənalı qarşılamayıblar. Xüsusən də imkanı aşağı olan və valideynini itirmiş tələbələrin əksəriyyəti öz xərclərini bu təqaüd hesabına təmin edirdilər...
1News-un məlumatına görə, AzTV-nin “Çıxışa doğru” verilişində “Yeni təqaüd qaydaları və imkansız tələbələrin təhsil haqqından azad olunması” mövzusunda aparılan müzakirələr zamanı bu barədə ətraflı danışılıb. Verilişin qonaqları – fəlsəfə üzrə fəlsəfə doktoru, təhsil məsələləri üzrə ekspert Mütəllim Rəhimli, Respublika Təhsil Şurasının katibi, təhsil tədqiqatçısı Böyükağa Mikayıllı, təhsil eksperti Kamran Əsədov və Azərbaycan Dövlət Pedoqoji Kollecinin müəllimi Kəmalə Qayıbova mövzu ətrafında müzakirə aparıblar.
“Çıxışa doğru” verilişini bütöv şəkildə Azərbaycan Televiziyasının “YouTube” kanalından izləyə bilərsiniz:
