“Mövsümə uyğun olmayan, geni dəyişdirilmiş meyvə-tərəvəzlərin təhlükəsi” - “Çıxışa doğru”da MÜZAKİRƏ
İndi hanı bağ-bostanın yaraşığı olan xiyar, pomidor növləri? Hanı görkəmi süfrələr bəzəyən, dadı-tamı damaqlardan getməyən meyvələr?
Səbəb nədir? Torpağınmı üzü dönüb, bağ-bostanın bərəkətimi qaçaq düşüb, ağzımızın dadımı çəkilib?
Torpağımızın adla deyilən nemətləri sayılan Qızıləhməd alması, Ordubad əriyi, Göyçay narı, Quba alması, Zaqatala fındığı, Qəbələ şabalıdı, Lənkəran çayı, Astara limonu, Abşeron şanısı, Sabirabad qarpızı, Kürdəmir yemişi, Zirə pomidoru, Hovsan soğanı tapmaq heç də rahat və asan məsələ deyil… Çox vaxt dükan-bazarlardan zahiri görünüşünə aldanıb alınan meyvə-tərəvəzlər heç də əvvəlki illərdəki ləzzətini vermir.
Əvvəllər bazarlarda yalnız hər mövsümə uyğun meyvə-tərəvəzlər tapmaq olardı. İndi ilin istənilən fəslində həmin nemətlər satışa çıxarılır.
1News-un məlumatına görə, AzTV-nin “Çıxışa doğru” verilişində “Mövsümə uyğun olmayan, geni dəyişdirilmiş meyvə-tərəvəzlərin təhlükəsi” mövzusunda aparılan müzakirələr zamanı bu barədə ətraflı danışılıb. Verilişin qonaqları – "Azad İstehlakçılar" İB-nin sədri Əyyub Hüseynov, Sağlam Qidalanma mütəxəssisi, Qida təhlükəsizliyi hərəkatının rəhbəri Məhsəti Hüseynova, AGTİ-nin mütəxəssisi Cavidan Quliyev və tibb üzrə fəlsəfə doktoru, Azərbaycan Tibb Universitetinin müəllimi Sveta Rəfiyeva mövzu ətrafında müzakirə aparıblar.
“Çıxışa doğru” verilişini bütöv şəkildə Azərbaycan Televiziyasının “YouTube” kanalından izləyə bilərsiniz:
