KÖMƏYƏ ÇAĞIRIŞ: “Evimizi satdıq, ancaq pul yenə çatmadı... Anamızı xilas etməyimizə kömək edin!” – FOTO
1966-cı il təvəllüdlü Zərifə Gülalıyeva xərçənglə mübarizə aparır. Yanında xəstə analarını görəndə kədərdən və bahalı müalicəsini davam etdirə bilmədikləri üçün ürəkləri parçalanan sevən oğulları var ...
Oğlu Orxan Güləliyev 1news.az-a bildirib ki, xəstəlik 4 ay əvvəl aşkarlanıb və o vaxtdan bəri əsl cəhənnəm həyatı yaşayırlar:
“Anam artıq dörd aydır ki, xərçəngdən əziyyət çəkir. Diaqnoz qoyan zaman həkimlər onun cəmi bir neçə günlük ömrünün qaldığını demişdilər, ancaq artıq 4 ay keçib və o hələ də sağdır. Üstəlik, bütün lazımi müalicə prosedurlarını keçdikdən sonra səhhətində irəliləyiş görünür - vəziyyəti yaxşılaşdı, ayağa qalxdı, yeriməyə başladı ...
Bu müddət ərzində anamız Milli Onkologiya Mərkəzində hər biri 450-500 manat arasında olan 4 kimyəvi terapiya seansı keçirdi. Bundan əlavə, bir çox başqa prosedur da var idi, bunun üçün təxminən 30.000 manat xərcləndi. Həm də bahalı dərmanlara gündəlik 50 manata yaxın pul xərclənib. Anamızın müalicə xərclərini qarşılamaq üçün evimizi 45.000 manata satdıq, amma bu da kifayət etmədi – bu günə qədərki xərclərimiz ümumilikdə 65.000 manat təşkil edir ”.
Orxan qeyd edir ki, hazırda xəstə anasına baxdığı üçün işləmir. Ailələrində yalnız qardaşı işləyir, ancaq onun qazancı analarının müalicəsini davam etdirmək üçün yetərli deyil. Üstəlik, evsiz qalan ailə kirayə mənzilə köçmək məcburiyyətində qalıb:
“Həkimlər anamızın şişindən qan gəldiyini söyləyirlər və bildirirlər ki. qanaxmanı dayandırmaq üçün damarını yandırmaq lazımdır. Mərkəzi Klinik Xəstəxanada bu proseduru həyata keçirən bir həkim var. Dəyəri təxminən 3 min manatdır. Bundan sonra şişin “qurudulması” və götürülməsi üçün əməliyyata hazırlanması üçün kimyəvi terapiya davam etdirilməlidir. Əməliyyat 4000 manata başa gələcək. Ümumiyyətlə, bütün müalicə xərcləri üçün 10 min manat tələb olunur. Xahiş edirəm anamızı xilas etməyimizə kömək edin, o bizim ən dəyərli varlığımızdır”.
Bütün mərhəmətli insanları bu ailənin dərdinə biganə qalmamağa, imkan daxilində pul yardımı etməyə çağırırıq. Yardım üçün pul vəsaitini Orxan Güləliyevin adına olan 4169 7385 9476 2399 nömrəli Umico bank kartına köçürə və yaxud da Zərifə Əliyevanın oğlu Orxanla +994 55 854 54 51 nömrəli telefonla əlaqə saxlayaraq özünə verə bilərsiniz.
Aşağıda tibbi arayışları dərc edirik.
Verən əliniz tükənməsin!
1news.az
