Kann Film Festivalından öncə: qırmızı xalça və Chopard brilyantlarının parıldaması - FOTO
Bütün kino dünyası intizarla donub qaldı... Axı, sabah iyulun 6-sı dünyanın ən qədim və ən prestijli festivallarından biri – 74-cü Kann Beynəlxalq Film Festivalı öz qapılarını açacaq!
Bu ilki əsas müsabiqənin münsiflər heyətinə amerikalı rejissor Spayk Lee sədrlik edəcək, açılış mərasimində isə fransız rejissoru Leos Karaksın “Annette” adlı filmi nümayış olunacaq.
Bu münasibətlə festivalın əfsanəvi tərəfdaşı olan Chopard zərgərlik Evi ənənəvi olaraq əsas mükafatları - “Qızıl palma budaqları”nı hazırladı. Onlar, hər il ən yaxşı bədii və qısametrajlı filmlərə görə təqdim olunurlar.
Kann Film Festivalı ilə Chopard Zərgərlik Evinin ortaq tarixi 1997-ci ildə, Festivalın Başçısı Pyer Viot, Chopard Zərgərlik Evinin həmsədri və yaradıcı direktoru Karolina Şoyfeleyə xahişindən başladı. O, Palme d'Or dizaynını yeniləmək istədi və təbii ki, Karolina onun təklifi ilə razılaşdı. 2000-ci ildə ən yaxşı aktyor və ən yaxşı aktrisa nominasiyaları üçün iki balaca palma budağının dizaynını hazırladı. 2014-cü ildən etibarən Chopard, Palma d'Or'u yalnız Fairmined sertifikatına malik olan qızıldan hazırlayır.
Hal-hazırda, Chopard zərgərləri Palma d'Or-a əlavə olaraq, festivalın digər mükafatlarını da hazırlayırlar. Palma budağı ilə həkk olunmuş büllurdan hazırlanmış mükafatlar, festivalın bağlanış mərasimində qaliblərə təqdim olunur.
2001-ci ildə Chopard festival ilə tərəfdaşlığını gənc istedadlar üçün xüsusi mükafat olan Chopard Trophée ilə gücləndirdi.
Nəhayət, hər il Chopard film festivalının keçirildiyi il sayına bərabər bir sıra zərgərlik əşyaları yaradır. Bu il onların sayı 74-ə çatacaq və kolleksiyanın əsas ilham mənbəyi festivalın qırmızı xalçasında görünən ulduzları olacaq.
Karolina Şoyfele etiraf edir: “Kann həmişə mənim üçün kino və cazibə birləşməsinin simvolu olub. Xatırladığım qədər mən həmişə film sənayesinin sehrli dünyasına aşiq olmuşam. Heç kimin görmədiyi filmləri görmək və orada iştirak edən möhtəşəm aktyorlarla canlı tanış olmaq çox xoşdur. Kann mənim üçün tükənməz bir ilham mənbəyidir ”.
Bugün, Chopard ilə festival arasında dərin bir əlaqə var. Ev, dünyanın ən nüfuzlu moda tədbirlərindən birinə məşhur ulduzların taxdığı yüksək zərgərlik əşyaları ilə daha çox cazibə əlavə etdi.
Onların arasında artıq Şarliz Teron, Keyt Blanşett, Culiyanna Mur, Şeron Stoun, Gvinet Peltrou, Xilari Suenk, Marion Kotiyar, Lea Seydu, Penelopa Kruz, Skarlet Yohansson, Lupita Niongo, Frida Pinto, Fan Bingbing, İzabel Yupper, Katrin Denöv, Jeyn Fonda və digərləri olub.
Möhtəşəm Ancelina Coli'nin 2007-ci ildə sarı paltar və nərgiz gülü rəngində brilyantlarla bəzədilmiş qırmızı xalçaya çıxışını necə unuda bilərik? Culiya Roberts-in ilk dəfə 2016-cı ildə Kann Film Festivalında göründüyü və təəccüblü zümrüd bir boyunbağı ilə bəzədilmiş təbii gözəlliyini də unutmaq mümkün deyil.
Karolina Şoyfele isə, 2013-cü ildə Marion Kotiyarın qırmızı xalçaya çıxışını xüsusilə seçir. Bundan sonra aktrisa ilk dəfə olaraq Chopard brendinin Green Carpet kolleksiyasının zinət əşyalarını öz obrazına əlavə edib.
Yalnız bir gün sonra bir daha brilyantların parıltısı ilə işıqlanan sehrli kino dünyasına birlikdə qərq olacağıq. Reportajlarımızı izləyin.
