“Bu il Qurban bayramı işğaldan azad olunan ərazilərdə də qeyd olunacaq” – AQTA-nın şöbə müdiri

“Bu ilki Qurban bayramının xüsusi özəlliyi var, özəllik ondan ibarətdir ki, işğaldan azad edilən ərazilərdə də bayram qeyd olunacaq”.

1news.az xəbər verir ki, bunu AQTA-nın şöbə müdiri, respublikanın baş baytar müfəttişi Qalib Əbdüləliyev Qurban bayramı ilə bağlı sualları cavablandırarkən bildirib.

“Təəssüf ki, bu il də Qurban Bayramı koronavirus pandemiyasının tələbələrinə uyğun həyata keçiriləcək” – deyə, o əlavə edib.

“Qurban bayramı ətin daha çox kəsimin, istehlakçılara çatdırılması ilə müşaiyət olunan bir bayramdır. Respublika üzrə Qurban bayramı münasibəti ilə 88 ünvan müəyyənləşib. Orada heyvanların kəsimi, kəsilmədən satışı və yaxud ancaq kəsimi həyata keçiriləcək. Həmin yerlərdə normal baytarlıq və sanitariya qaydalarına əməl etməklə heyvanların kəsimi həyata keçiriləcək. İstehlakçılardan xahiş olunur ki, Qurban bayramında heyvanların alınması, kəsimi ilə bağlı həmin məntəqələrdən istifadə etsinlər”.

Q.Əbüləliyev qeyd edib ki, eyni zamanda heyvanların onlayn satışı həyata keçiriləcək

“Bakı, Sumqayıt, Abeşronda fəaliyyət göstərən marketlər şəbəkəsi vasitəsilə onlayn sifarişlər həyata keçiriləcək. Heyvanları diri, bütöv cəmdək və hissələrə ayrılmış şəkildə sifariş vermək olar. Həmçinin qurbanlıqların təyinatı üzrə çatdırılması da həyata keçiriləcək”.