Türkiyənin meşələri, bizim canımız yanır – FOTO – VİDEO | 1news.az | Xəbərlər
Cəmiyyət

Türkiyənin meşələri, bizim canımız yanır – FOTO – VİDEO

13:50 - 30 / 07 / 2021
Türkiyənin meşələri, bizim canımız yanır – FOTO – VİDEO

Türkiyədə güclü meşə yanğınları hələ də davam edir. Yanğınlar ilk olaraq iyulun 28-i Antalyada başlasa da, daha sonradan 21 ayrı əyalətə keçib.

Güclü yanğınlar nəticəsində Antaliyanın Manavgat şəhərində 3, Marmaris şəhərində 1 nəfər ölüb, Antaliyada yanğının təsir etdiyi 183 nəfər xəstəxanaya müraciət edib.

Meşələrdə çıxan yanğın bəzi bölgələrdə küləyin təsiri ilə yaşayış yerlərinə keçib. Manavqat, Marmaris və Bodrumdakı yaşayış məntəqələrindəki bəzi kəndlər və turizm obyektləri boşaldılıb. Türkiyə Prezidenti Rəcəb Tayyib Ərdoğan yanğınların söndürülmüsəinə ölkənin bütün güclərinin səfərbər edildiyini bildirib.

Yanğınlardan insanlarla yanaşı ev və çöl heyvanları da ciddi ziyan çəkiblər, sayı dəqiq bilinməyən minlərlə heyvan yanaraq tələf olub.

Yanğınların miqyası onun qəsdən törədilməsi ehtimalını günü-gündən artırır. Belə ki, bu yanğın bir-birindən əlaqəsiz əyalətdə baş verir və yay aylarında isti havanın təsirindən baş verən yanğına bənzəmir.

Sosial şəbəkələrin Türkiyə seqmentində yanğınların kim tərəfindən törədilməsi ilə bağlı geniş müzakirələr aparılır. Bu müzakirələrin mərkəzində yanğının PKK terror qruplaşması nümayəndələri tərəfindən törədildiyi yer alır. Yayılan videoların birinin görüntülərindən isə meşə yanğınlarının qəsdən törədildiyi öz təsdiqini tapıb. Həmin videoda iki nəfərin açıq bir məkanda otlara od vurduğu və daha sonra gizlincə ərazidən uzaqlaşdığını görmək mümkündür.

Qeyd edək ki, keçmişdə özlərini “Atəşin övladları” adlandıran terrorçular Qaradəniz, İç Anadolu və Ağdəniz bölgəsində yanğınlar törətmişdi. İndi də bir-birindən kilometrlərlə uzaqda baş verən yanğınların yenidən bu terrorçular tərəfindən törədilməsi ilə bağlı şübhələr artıb.

Bütün bu müzakirələr davam edərkən, “Oda TV”nin yaydığı məlumata görə, PKK terror təşkilatının “Atəşin övladları” adlı qruplaşması yanğınla bağlı məsuliyyəti öz üzərinə götürüb.

Qeyd etmək lazımdır ki, PKK terrorçuları daha əvvəllər də onlara qarşı həyata keçirilən əməliyyatlara cavab olaraq təxribat və s. bu tipli cinayət əməllərinə əl atıblar.

Bununla yanaşı, Antalyadan 500 km aralıqda olan Ankarada yanğın törətməyə çalışan bir nəfər saxlanılıb. Polatlı adlı qəsəbədə də bir nəfər otları yandırıb qaçmağa çalışarkən sakinlər tərəfindən saxlanılıb və polisə təslim edilib. Yanğınsöndürənlər dərhal yanğına müdaxilə edə bilib və yanğın böyümədən söndürülüb. Son məlumata görə, meşə yanğınları ilə bağlı 5 nəfər şübhəli şəxs saxlanılıb.

Türkiyənin meşə və kənd təsərrüfatı naziri Bekir Pakdemirlinin sözlərinə görə, Türkiyədə yanğınların 57-si nəzarət altına alınıb. Onun sözlərinə görə, aktiv olan bütün yanğınlarda (yanğınların nəzarətə alınması və söndürülməsi) müsbətə doğru gediş var.

Türkiyəli nazir bildirib ki, yanğınlara mübarizəyə 3 təyyarə, 9 İHA, 1 pilotsuz vertolyot, 1 su çəni, 38 vertolyot, 680 yanğınsöndürən maşın, 55 texnika və 4 min personal cəlb olunub.

Türkiyədə baş verən yanğınlar ölkəmizdə də ciddi narahatlıqla qarşılanıb. Soydaşlarımız sosial şəbəkələrdə qardaş ölkəyə öz dəstəklərini ifadə ediblər.

Prezident İlham Əliyev Türkiyə Prezidenti Rəcəb Tayyib Ərdoğana başsağlığı verərək Azərbaycan hökumətinin və xalqının hər zaman olduğu kimi bu gün də qardaş Türkiyə xalqı ilə həmrəy olduğunu və onun yanında olduğunu bildirib.

Azərbaycan Respublikası Prezidentinin köməkçisi-Prezident Administrasiyasının Xarici siyasət məsələləri şöbəsinin müdiri Hikmət Hacıyev bildirib ki, Prezident İlham Əliyevin tapşırığına müvafiq olaraq, meşə yanğınlarının söndürülməsi və daha geniş miqyas almasına imkan verilməməsi məqsədilə qardaş Türkiyəyə Azərbaycandan yardım dəstələri göndəriləcək.

Prezidentin köməkçisi deyib: “Bununla əlaqədar olaraq, Prezident İlham Əliyev tərəfindən Azərbaycan Respublikasının Baş nazirinə və Fövqəladə Hallar Nazirliyinə lazımi tapşırıqlar və göstərişlər verilib. Müvafiq dövlət qurumları Türkiyədən olan tərəf müqabilləri ilə əlaqə qurub və ən qısa zamanda yardım dəstələri qardaş ölkəyə yola düşəcək”.

Azərbaycan Respublikasının Baş naziri Əli Əsədov ilə Türkiyə Respublikasının Vitse-prezidenti Fuat Oktay arasında telefon danışığı zamanı isə qeyd edilib ki, Azərbaycan hər zaman olduğu kimi, bu çətin məqamda da qardaş ölkənin yanındadır.

Meşə yanğınları ilə mübarizədə Azərbaycanın Türkiyəyə hər cür yardım göstərməyə və bunun üçün bütün lazımi qüvvələri səfərbər etməyə hazır olduğu vurğulanıb.

Qeyd edilib ki, Azərbaycan Respublikası Prezidentinin müvafiq tapşırıq və göstərişlərinə əsasən Fövqəladə Hallar Nazirliyinin 500 nəfərdən ibarət şəxsi heyəti, helikopterlər, həmçinin digər lazımi avadanlıq və ləvazimatlar ən qısa zamanda qardaş Türkiyəyə göndəriləcək.

Türkiyənin sevinci sevincimiz, kədəri kədərimizdir. Türkiyənin meşələri yanırsa, bizim də canımız yanır. Ancaq əminik ki, hər dəfə olduğu kimi qardaş Türkiyə bu dəfə də çətin sınaqdan üzüağ çıxacaq, düşmənlərinə kədər, bizə sevinc bəxş edəcək.

1news.az

Paylaş:
621

Son xəbərlər

Prezident İlham Əliyev: “Ermənistan rəhbərliyinə şans veririk ki, 10 noyabr bəyanatının bütün şərtlərini yerinə yetirsin”Bu gün, 16:50Son sutkada 630 nəfərə COVİD-19 əleyhinə vaksin vurulubBu gün, 16:49Azərbaycanda koronavirusa yoluxanların sayı kəskin azaldı - STATİSTİKABu gün, 16:42“OBA” marketlər şəbəkəsində Vətən müharibəsi şəhidləri anılıbBu gün, 16:26İlham Əliyevdən İrana sual: “Niyə 30 illik əsarət və işğala son qoyandan sonra edilir?”Bu gün, 16:17İlham Əliyev və Mehriban Əliyeva Vətən Müharibəsi Memorial Kompleksinin və Zəfər Muzeyinin təməlini qoyub - YENİLƏNİBBu gün, 16:07Aqro-Vest DC-də Anım Günü qeyd olunub - FOTOBu gün, 16:03Fəzail Ağamalı: “Azərbaycan Ordusu “Böyük Ermənistan” mifini yerlə yeksan etdi”Bu gün, 15:57Baş nazir Əli Əsədov Türkiyənin Vitse-prezidentinə məktub ünvanlayıbBu gün, 15:52Prezident və Birinci xanımın iştirakı ilə Bakıda şəhidlərin xatirəsinə yürüş keçirilib - FOTO - YENİLƏNİBBu gün, 15:50İlham Əliyev və Mehriban Əliyevanın şəkillərini tutduğu şəhidlər kimlərdir?Bu gün, 15:33“Ordumuz döyüş hazırlığına görə MDB məkanında öndədir” – Deputat tarix yazanlardan danışdıBu gün, 15:09“Bir il əvvəl zəfər yolunda qardaşlarımızla birgə çiyin-çiyinə idik” - Hüseyn AltınalanBu gün, 15:02Özünü jurnalist kimi təqdim edib sahibkardan pul tələb edən şəxs saxlanıldı - VİDEOBu gün, 14:45Şuşada şəhidlərimizin xatirəsi bir dəqiqəlik sükutla yad olunub - FOTOBu gün, 14:403 övladı Vətənə yadigar qalan şəhidin anası: “İşini və ailəsini qoyaraq döyüşə yollandı”Bu gün, 14:37Qarabağın artıq müharibə ilə deyil, sülh və inkişaf ilə anılmasını istəyirik - Mövlud ÇavuşoğluBu gün, 14:16Azad edilmiş ərazilərdə bərpa işlərinə ən böyük maneə minalardır - Ceyhun BayramovBu gün, 14:03Sabaha olan hava proqnozu açıqlanıbBu gün, 13:55Prezident İlham Əliyev və birinci xanım Mehriban Əliyeva ulu öndər Heydər Əliyevin məzarını ziyarət ediblərBu gün, 13:52
Bütün xəbərlər

Next TV