Rəhman Hacıyev: “Prezident dediyi kimi edin. Və yaxud niyə Ermənistan Qərbi Azərbaycandır”
Mənbə:
Qarabağ Dirçəliş Fondunun İdarə Heyətinin Sədri Rəhman Hacıyevin Facebook səhifəsi.
Avqustun 16-da Prezident İlham Əliyev Kəlbəcər və Laçın rayonlarına səfər etdi.
Səfər zamanı o, tarixin dərsləri, erməni işğalçılarının vurduğu ziyan və bu bölgənin gələcəyi ilə bağlı çox maraqlı və dəyərli fikirlər paylaşdı.
Dövlət başçısının bəzi açıqlamalarına münasibət bildirmək, öz düşüncələrimi bölüşmək istədim...
“Azərtac” informasiya agentliyinin xəbər verdiyi kimi, digər məsələlərlə yanaşı cənab Prezident xüsusilə indiki Ermənistan ərazisində erməni dilinə dəyişdirilən Azərbaycan toponimlərinə toxundu.
Prezident bildirdi ki, qədim Azərbaycan yaşayış məntəqələri əsl adları ilə adlandırılmalıdır.
“Basarkeçər rayonuna Ermənistanda “Vardenis rayonu” deyilir. Ancaq bu rayonun, bölgənin əsl adı Basarkeçərdir, Göyçə mahalıdır, qədim Azərbaycan torpağıdır. 1930-cu ildə Basarkeçər rayonu Ermənistan ərazisində yaradılıb. Orada yaşayanların da mütləq əksəriyyəti azərbaycanlılar olmuşdur” (“Azərtac”dan sitat).
Xüsusi olaraq qeyd etmək istərdim ki, Prezident toponimlərin erməniləşdirilməsi mövzusuna bir neçə dəfə toxundu.
Mənə elə gəlir ki, onun bu sözləri bizim üçün yalnız müzakirə mövzusu deyil, həm də hərəkətə keçmək üçün əsl bələdçi olmalıdır.
Dövlət başçısının bəyanatlarından birindən sonra, 2020-ci ilin dekabrında, bundan sonra bütün paylaşımlarımda (həmin vaxt rəhbərlik etdiyim 1news.az saytının materiallarında da) Yerevanın İrəvan, Kapanın Qafan, Vardenisin Basarkeçər olaraq göstərilməsinə qərar verdim. Digər toponimlərimizin də həmçinin.
Ermənistanın özünü isə müəllif materiallarımda və 1news.az-da çıxan yazılarda Qərbi Azərbaycan (mötərizədə) adlandırmaq qərara alındı.
Həmin postla burada tanış ola bilərsiniz:
Fürsətdən istifadə edərək bir daha bütün soydaşlarımdan Qərbi Azərbaycanın, yəni Ermənistan Respublikası adlanan indiki ərazinin erməniləşdirilmiş toponimlərindən istifadə etməmələrini xahiş edirəm. Gəlin Prezidentin dediklərini edək. Yəni, əsl toponimlərdən istifadə edək.
Toponimlər DNK-mızın bir hissəsidir və biz bütün saxtalaşdırma cəhdlərinin qarşısını alaraq onları yaddaşımızda saxlamaq məcburiyyətindəyik.
Buna görə də qalib millətə yaraşdığı kimi, bu cəbhədə də hücuma keçməyin vaxtı gəldi - Vardenis yox, Basarkeçər var! Sevan yox, Göyçə var!
Ermənistan Respublikası olsa belə, yalnız Qərbi Azərbaycan ərazisindədir.
***
PS: “Azərtac” informasiya agentliyinə istinadən Prezidentin çıxışından bir hissəni təqdim edirəm:
“Basarkeçər rayonuna Ermənistanda “Vardenis rayonu” deyilir. Ancaq bu rayonun, bölgənin əsl adı Basarkeçərdir, Göyçə mahalıdır, qədim Azərbaycan torpağıdır. 1930-cu ildə Basarkeçər rayonu Ermənistan ərazisində yaradılıb. Orada yaşayanların da mütləq əksəriyyəti azərbaycanlılar olmuşdur. O cümlədən Zod kəndinin sakinləri də azərbaycanlılar idi, deportasiyaya məruz qalmışlar. Yalnız 1969-cu ilin iyun ayında Ermənistan Basarkeçər rayonunu, onun adını dəyişdirərək ona “Vardenis” adı qoymuşdur. Xahiş edirəm ki, Azərbaycanda bu bölgə ilə bağlı hazırlanan reportajlarda və ümumiyyətlə, bizim ümumi leksikonumuzda “Vardenis” yox, Basarkeçər adı bərpa edilsin. İndiki Ermənistan ərazisində yerləşən bütün digər qədim Azərbaycan yaşayış məntəqələri əsl adları ilə də çağırılmalıdır.
Misal üçün, Naxçıvan-Ermənistan sərhədində mövcud olan gərginliklə bağlı mən indi mətbuatı izləyirəm. Bizim mətbuatda yazılıb ki, Ermənistanın “Yerasx” kəndində, onun ətrafında hansı hadisələr baş verir. Bu kəndin adı Arazdəyəndir və azərbaycanlılar deportasiyaya qədər orada əbədi yaşayıblar. Ona görə bütün qədim, yəni tarixi adlar bərpa edilməlidir. Bu adlar bizdə müxtəlif kitablarda da öz əksini tapıb. Ona görə xahiş edirəm ki, həm jurnalistlər, həm ümumiyyətlə, insanlarımız bu yerlərin əsl adlarını çəksinlər - Vardenis yox, Basarkeçər rayonu, Basarkeçər şəhəri”.
Mövzu ilə bağlı maraqlı linklər:
Qərbi̇ Azərbaycanda soyqırımına məruz qalmış toponi̇mləri̇mi̇z
Культурный геноцид: уничтожение азербайджанских топонимов на территории современной Армении
Интерактивная карта "Азербайджанские топонимы на территории современной Армении"
1news.az
