Bu rayonun 3 məktəbi ali məktəblərə qəbul imtahanlarında 100 faiz nəticə göstərib
2020-2021-ci tədris ilində Dövlət İmtahan Mərkəzi tərəfindən keçirilən ali məktəblərə qəbul imtahanlarının nəticələrinə əsasən Qubadlı rayonun üç məktəbinin imtahanlarda iştirak edən məzunları 100 faiz nəticə göstərib.
1news.az xəbər verir ki, bu barədə AZƏRTAC–a Qubadlı rayon təhsil şöbəsinin müdiri Fuad Bədəlov məlumat verib. O, fərqlənən məktəblərdən danışaraq H.Quliyev adına Çaytumas məktəb-liseyini bitirən 41, C.Həşimov adına Mərdanlı kənd tam orta məktəbini bitirən 12 nəfərin hamısının tələbə adını qazandığın vurğulayıb. Həmçinin R.Əlirzayev adına Xocahan kənd tam orta məktəbini bitirən 21 nəfər məzundan 14-i təhsili davam etmək üçün sənədlərini verib və yüksək nəticələr göstərək respublikanın müxtəlif ali təhsil məktəblərinin daxil olublar. Eyni zamanda, Xanlıq kənd 3 nömrəli tam orta məktəbin XI a sinfini bitirən 16 məzunun hamısı tələbə adını qazanmağa nail olub.
Məzunların nailiyyətlərindən fərəhlə danışan F.Bədəlov onu da bildirib ki, rayonda fəaliyyət göstərən 32 məktəbi bitirən məzunların 507–si ali məktəblərə daxil olmaq məqsədi ilə imtahanlara qatılıb. Onlardan da 374-ü (74 faizi) tələbə adını qazanıb. Abituriyentlərimizin 20 nəfəri 600 baldan yuxarı nəticə əldə edib.
