“Bilik yarışının qalibləri – Prezident təqaüdçüləri” – “Çıxışa doğru”da MÜZAKİRƏ – FOTO – VİDEO
Hər il tələbə qəbulu müsabiqəsində xüsusilə fərqlənərək, ən yüksək nəticə əldə edənlər gəncliyimizin intellektual elitasını təmsil edirlər.
Onların təcrübəsi həm cəmiyyətdə, həm də məktəblərdə güclü təsirə malik örnək, nümunə rolunu oynayır. Bilik öncüllərinə qayğı göstərmək, onları həvəsləndirmək, inkişaflarına və potensial imkanlarının gerçəkləşməsinə kömək etmək, şərait yaratmaq dövlət tərəfindən daim diqqət mərkəzində saxlanılır.
1news.az-ın verdiyi xəbərə görə, AzTV-nin “Çıxışa doğru” verilişində “Bilik yarışının qalibləri – Prezident təqaüdçüləri” mövzusunda aparılan müzakirələr zamanı bu barədə ətraflı danışılıb. Verilişin qonaqları – Təhsil Nazirliyinin Elm, Ali və Orta Təhsil İdarəsinin rəisi Nicat Məmmədli, DİM-in mətbuatla iş sektorunun müdiri Xanlar Xanlarzadə, Bakı Ali Neft Məktəbinin tələbələri Anar Abdullayev, Həmid Həşimzadə, 692 balla Azərbaycan Tibb Universitetinin Müalicə İşi ixtisasına qəbul olunan Kamil Əfəndiyev, 659 balla UNEC Maliyyə ixtisasına qəbul olunan Məmməd Məmmədli, 679 balla Bakı Dövlət Universitetinin Hüquqşünaslıq ixtisasına qəbul olunan Ülviyyə Zeynallı və 671 balla eyni ixtisasa qəbul olunan Sevinc Cabbarzadə mövzu ətrafında müzakirə aparıblar.
“Çıxışa doğru” verilişini bütöv şəkildə Azərbaycan Televiziyasının “YouTube” kanalından izləyə bilərsiniz:
