Şəhid ailələri üçün yaradılan Əlaqələndirmə Komissiyası problemin həllinə necə kömək edəcək? – “Çıxışa doğru”da MÜZAKİRƏ
Əlaqələndirmə Komissiyası 26 istiqamətdə xidmət göstərir və burada 7 dövlət orqanının rəhbərlərinin müavinləri təmsil olunur.
Dövlət başçısının Fərmanı ilə yaradılan bu komissiyanın işi şəhid ailələrinə, qazilərə xüsusi diqqət və qayğı göstərməkdən ibarətdir. Sənədə əsasən, həmin şəxslərə əmək, məşğulluq, sosial müdafiə, tibbi-sosial ekspertiza və reabilitasiya, müalicə, müayinə və s. üzrə xidmətlərin vahid məkandan, operativ, şəffaflıq, nəzakətlilik, məsuliyyət və rahatlıq prinsipləri əsasında göstərilməsi təmin olunur.
1news.az-ın verdiyi xəbərə görə, AzTV-nin “Çıxışa doğru” verilişində “Şəhid ailələri üçün yaradılan Əlaqələndirmə Komissiyası problemin həllinə necə kömək edəcək?” mövzusunda aparılan müzakirələr zamanı bu barədə ətraflı danışılıb. Verilişin qonaqları – Qarabağ qazisi, jurnalist Rey Kərimoğlu, ƏƏSMN-nin sosial təminat siyasəti şöbəsinin müdiri Babək Hüseynov və Qarabağ qazisi Ülvi Qədir mövzu ətrafında müzakirə aparıblar.
“Çıxışa doğru” verilişini bütöv şəkildə Azərbaycan Televiziyasının “YouTube” kanalından izləyə bilərsiniz:
