Qarabağ Dirçəliş Fondu ilə “Caspian Event Organisers” MMC arasında əməkdaşlığa dair “Anlaşma Memorandumu” imzalanıb | 1news.az | Xəbərlər
Cəmiyyət

Qarabağ Dirçəliş Fondu ilə “Caspian Event Organisers” MMC arasında əməkdaşlığa dair “Anlaşma Memorandumu” imzalanıb

17:48 - 11 / 10 / 2021
Qarabağ Dirçəliş Fondu ilə “Caspian Event Organisers” MMC arasında əməkdaşlığa dair “Anlaşma Memorandumu” imzalanıb

8 oktyabr 2021-ci il tarixində Qarabağ Dirçəliş Fondu ilə “Caspian Event Organisers” MMC arasında əməkdaşlığa dair “Anlaşma Memorandumu” imzalanıb.

Fondun mətbuat xidmətindən 1news.az-a bildiriblər ki, Memorandumu CEO-nun direktoru Fərid Məmmədov və QDF-in İdarə Heyətinin sədri Rəhman Hacıyev imzalayıblar.

Anlaşma Memorandumuna əsasən, 20-22 oktyabr 2021-ci il tarixlərində Bakı Expo Mərkəzində keçiriləcək 1-ci Azərbaycan Beynəlxalq “Qarabağın Bərpa, Yenidənqurma və İnkişafı” Rebuild Karabakh sərgisində Qarabağın bərpası və yenidənqurulması istiqamətində görülən işlərə töhfə vermək məqsədilə CEO sərgidə iştirak edəcək şəxslərin ödəyəcəyi hər qeydiyyat haqqından müəyyən hissəsini Qarabağ Dirçəliş Fonduna ianə edəcək.

Bundan başqa, CEO ictimaiyyət arasında ianəçilik mədəniyyətinin təbliği məqsədilə Fond haqqında məlumatları sərgi barədə kataloqda, qəzetdə, bukletlərdə, flayerlərdə, roll-aplarda və s. çap materiallarında, veb-saytlarda, xəbərlərdə, sərgi zamanı, sərgiöncəsi və sərgisonrası təqdimatlarda yerləşdirəcək.

Memorandumun şərtlərinə uyğun olaraq, CEO tərəfindən 1-ci Azərbaycan Beynəlxalq “Qarabağın Bərpa, Yenidənqurma və İnkişafı” Rebuild Karabakh sərgisi çərçivəsində QDF-in təşəbbüsləri dəstəklənəcək. Qarabağ Dirçəliş Fondu isə öz növbəsində sərginin keçirilməsində CEO-ya təşkilatı dəstək göstərməyi, ona müraciət etmiş və sərgidə iştirak etmək istəyən şəxsləri CEO-ya yönəltməyi öhdəsinə götürür.

Bu Anlaşma Memorandumunun imzalanmasının CEO üçün böyük əhəmiyyət kəsb etdiyini bildirən Fərid Məmmədov, hər kəsin işğaldan azad edilən ərazilərin bərpası, yenidənqurulması və dirçəlişi prosesində iştirak etməsinin önəmini vurğulayıb.

Fondun İdarə Heyətinin sədri Rəhman Hacıyev bu nəcib təşəbbüsə görə təşəkkür edərək, yaşadığı yerdən asılı olmayaraq hər bir soydaşımızı Qarabağın dirçəlişi prosesində aktiv iştirak etməyə dəvət edib.

Azərbaycan Respublikası Prezidentinin Fərmanı ilə yaradılan Qarabağ Dirçəliş Fondu işğaldan azad edilmiş ərazilərin bərpası və yenidən qurulması, dayanıqlı iqtisadiyyata və yüksək rifaha malik regiona çevrilməsi istiqamətində həyata keçirilən tədbirlərə maliyyə dəstəyinin göstərilməsini və sərmayələrin cəlb edilməsini, bu sahədə dövlət-özəl tərəfdaşlığının inkişaf etdirilməsini, habelə ölkə daxilində və xaricində zəruri təşviqat işlərini həyata keçirən publik hüquqi şəxsdir.

1news.az

Paylaş:
503

Son xəbərlər

Dolların sabaha olan rəsmi məzənnəsi açıqlanıbBu gün, 18:01Şuşaya yeni sürət yolu çəkilir - AAYDA İdarə Heyəti sədrinin müaviniBu gün, 17:58“Bazel” - “Qarabağ” matçının hakimləri açıqlanıbBu gün, 17:56Tələbə krediti üçün müraciət edənlərin sayı açıqlanıbBu gün, 17:47Cavanşir Məmmədov: “Camaatdan pul yığılıb müğənnilərə verilsin!” - VİDEOBu gün, 17:42Azərbaycan-İran sərhədində atışma olub, bir nəfər zərərsizləşdirilibBu gün, 17:35İlham Əliyev “TOTAL Energies” şirkətinin kəşfiyyat və hasilat üzrə prezidentini qəbul edibBu gün, 17:28FHN müharibənin təhlükəli qalıqları ilə bağlı əhaliyə müraciət edibBu gün, 17:21Kəlbəcərdə yol qəzasında həlak olan hərbçilərdən birinə şəhid statusu verilibBu gün, 17:11Azərbaycanda koronavirusdan ölənlərin sayı 8000-i ötübBu gün, 17:06Buster doza üzrə vaksinasiya olunanların sayı 1 milyonu keçdiBu gün, 16:44Bu gün 1530 nəfər COVID-19-a yoluxub – STATİSTİKABu gün, 16:39Azərbaycan filmləri “Netflix”də yayımlanacaqBu gün, 16:37“YAŞAT” Fondunun birillik fəaliyyəti xalqımızın xeyirxahlıq, fədakarlıq və humanizm prinsiplərinə sadiqliyinin təsdiqidir - Vüqar RəhimzadəBu gün, 16:24Dövlət Sığorta Kommersiya Şirkətinə yeni sədr təyin edildi – SƏRƏNCAMBu gün, 16:04Prokuror Vüqar Səfərliyə cəza istədiBu gün, 16:00Yeni il bayramı ilə əlaqədar ardıcıl 5 gün iş olmayacaqBu gün, 15:45Taleh Ziyadov: Zəngəzur dəhlizinin işə salınması ilə Bakı limanında yük axımının artımı gözlənilirBu gün, 15:08Qəbələdə karantini pozan restoranın icarədarı və toy sahibi cərimələnib - FOTOBu gün, 15:02Bakıda çiskin olacaq, dağlıq ərazilərdə qar yağacaqBu gün, 14:46
Bütün xəbərlər

Next TV