Ağdamda qolları məftillə bağlı kişi və qadın skeletinin tapılması ilə bağlı araşdırma aparılır

Ağdam rayonunda qazıntı aparılarkən iki nəfərin meyiti aşkarlanıb.

Bu barədə 1news.az-a Baş Prokurorluqdan məlumat verilib.

Məlumatda bildirilir ki, Ağdam rayonunun işğaldan azad edilmiş ərazisində “Körpü-Bina Tikinti” MMC tərəfindən qazıntı işləri aparılarkən iki şəxsə məxsus sümüklər aşkar edilib.

Hazırda faktla bağlı Ağdam rayon prokurorluğunda araşdırma aparılır.