Gürcüstan səfirliyi helikopter qəzası ilə bağlı başsağlığı verib
Gürcüstanın Azərbaycandakı səfirliyi helikopter qəzası ilə bağlı başsağlığı verib.
1news.az-ın verdiyi xəbərə görə, bu barədə səfirliyin Facebook səhifəsində paylaşım edilib.
Paylaşımda deyilir:
"Gürcüstanın Azərbaycandakı səfirliyi Dövlət Sərhəd Xidmətinin hərbi helikopterinin qəzaya uğraması ilə bağlı xəbəri dərin kədər hissi ilə qarşıladığını bildirir.
Gürcüstan səfirliyi dost və qardaş Azərbaycan hökumətinə və xalqına dərin hüznlə başsağlığı verir. Bu çətin məqamda həlak olanların ailələri ilə həmdərd olduğumuzu bildiririk".
Qeyd edək ki, ötən gün saat 10:40 radələrində Dövlət Sərhəd Xidmətinin hərbi helikopteri Xızı rayonu ərazisində yerləşən “Qaraheybət” aviasiya poliqonunda təlim uçuşları yerinə yetirərkən qəzaya uğrayıb. Qəza nəticəsində 14 nəfər həlak olub, 2 nəfər yaralanıb.
Mövzu ilə əlaqədar oxuyun:
Azərbaycanda hərbi helikopter qəzaya uğrayıb, həlak olanlar var
Helikopter qəzasında həlak olan hərbçilərin adları açıqlandı - SİYAHI
İlham Əliyev helikopter qəzasında həlak olanların ailələrinə başsağlığı verib
