İstifadə müddəti bitən vaksinlər bir həftə əvvəldən geri yığılıb - Nazirlik

31 dekabrda istifadə müddəti bitmiş Pfizer/Biontech peyvənd dozaları utilizasiya üçün 1 həftə öncədən geri yığılıb.

1news.az xəbər verir ki, bu barədə Trend-in sorğusuna cavab olaraq Səhiyyə Nazirliyindən məlumat verilib.

"Hazırda peyvənd məntəqlərində tətbiq olunan vaksinlər yeni istifadə müddətli olanlardır", - deyə məlumatda qeyd olunub.

Qeyd edək ki, "Pfizer/Biontech" preparatının istifadə müddəti 31 dekabr 2021-ci il tarixinədək uzadılmışdı. Hazırda tətbiq olunan “Pfizer/Biontech” peyvəndlərinin istifadə müddəti isə mart ayının 22-dəkdir.