Avtovağzallarda sərnişin axınının bərpası üçün yeni təkliflər hazırlanır – FOTO | 1news.az | Xəbərlər
Cəmiyyət

Avtovağzallarda sərnişin axınının bərpası üçün yeni təkliflər hazırlanır – FOTO

S.Xankişiyeva11:16 - 15 / 01 / 2022
Avtovağzallarda sərnişin axınının bərpası üçün yeni təkliflər hazırlanır – FOTO

Rəqəmsal İnkişaf və Nəqliyyat Nazirliyi yanında Dövlət Avtomobil Nəqliyyatı Xidmətində respublika ərazisində fəaliyyət göstərən avtovağzal və avtostansiyaların rəhbərləri ilə görüş keçirilib.

Nazirlikdən 1news.az-a verilən məlumata görə, görüşdə sərnişindaşıma sahəsində çatışmazlıqların müəyyənləşdirilməsi, onların həlli yolları, daşıyıcıların fəaliyyəti, sahibkarların qarşılaşdığı problemlər müzakirə olunub.

Bildirilib ki, koronavirus (COVID-19) pandemiyası dövründə sərnişin axını nəzərəçarpacaq dərəcədə azalıb və bununla da avtovağzalların rentabelliyində azalma baş verib.

Hazırda əsas problem avtovağzallardan kənar, heç bir texniki yoxlamadan keçməyən və bəzi hallarda sərnişindaşıma tələblərinə cavab verməyən avtobuslarla qanunsuz reyslərin həyata keçirilməsidir. Bu da öz növbəsində avtovağzallarda qanuni fəaliyyət göstərən avtobusların reysə çıxmasına mane olur, daşıyıcıların rentabelliliyinə ciddi zərbə vurur. Sahibkarlar işlətdikləri nəqliyyat vasitələrinin yenilənməsində çətinlik çəkirlər. Eyni zamanda sərnişinlərin həyatı, sağlamlığı və yollarda təhlükəsizliklə bağlı ciddi problemlər yaranır.

Görüşdə, həmçinin sürücülərin peşəkarlıq keyfiyyətinin artırılmasına ehtiyac olduğu da diqqətə çatdırılıb.

Bəzi istiqamətlərdə şəhərlərarası sərnişin daşınmasına görə tariflərin qeyri-rentabelli olduğu vurğulanıb.

Tədbirdə sərnişin daşınması sahəsində təhlükəsizliyin təmin edilməsi üçün reysqabağı texniki yoxlamanın və sürücülərin tibbi müayinəsi sisteminin təkmilləşdirilməsi məsələsi də müzakirə edilib.

Görüş zamanı avtovağzal rəhbərləri bir sıra təkliflərlə çıxış ediblər. Onlar ara dayanacaqlarının sayının azaldılmasına, avtovağzallar arasında məlumat mübadilə sisteminin qurulmasına, reys cədvəllərinin təkmilləşdirilməsinə ehtiyac olduğunu bildiriblər.

Kommunikasiya çevikliyinin təmin edilməsi məqsədilə avtovağzal rəhbərləri üçün Dövlət Avtomobil Nəqliyyatı Xidməti ilə vahid əlaqə kanalının yaradılması və məsul şəxsin təyin edilməsi qərara alınıb.

Avtovağzal rəhbərləri qısa zamanda sərnişin axınının bərpası üçün təkliflər hazırlayaraq təqdim edəcəklər.

Növbəti mərhələdə bu istiqamətdə tədbirlər planının hazırlanması və onun icrası nəzərdə tutulub.

Paylaş:
55

Son xəbərlər

AZƏRTAC ilə UNA arasında əməkdaşlıq yeni hədəflərə istiqamətlənir - FOTOBu gün, 18:21Dolların sabaha olan rəsmi məzənnəsi açıqlanıbBu gün, 18:01Sürücülərin nəzərinə: bunu edənlər 40 manat cərimələnəcək - VİDEOBu gün, 17:54AMADA dopinqin qanunsuz dövriyyəsinə qarşı mübarizəni gücləndirəcəkBu gün, 17:47Misir və İordaniya mətbuatında Azərbaycanda multikulturalizm ənənələri haqqında məqalə dərc edilibBu gün, 17:47Bu şəxslər 2000 manat cərimələnəcək - Qanun təsdiqləndiBu gün, 17:41Füzuli sakinləri pulemyot satarkən tutulublar – FOTO – VİDEOBu gün, 17:32Azərbaycan Cüdo Federasiyası kütləvi yoluxma ilə bağlı açıqlama yayıbBu gün, 17:28Buzlu yolla qalxmaq istəyən avtomobil sürüşüb divara çırpıldı - VİDEOBu gün, 17:23Xəzərdən nərə balıqlarını qanunsuz ovlayan şəxslərə cinayət işi açılıbBu gün, 17:19Kürdəmir sakinindən heroin və tiryək götürülübBu gün, 17:00Bərdədə 4800 şəhidin paltarlarının basdırıldığı yer abadlaşdırılıb - FOTOBu gün, 16:54Ötən gün Azərbaycanda 29515 vaksin vurulub - STATİSTİKABu gün, 16:44Azərbaycanda 27 yanvara olan koronavirus statistikası açıqlandıBu gün, 16:33Məktəblərdə tədrislə bağlı əsas problemlər açıqlanıbBu gün, 16:32DOST mərkəzlərində yeni xidmətlər istifadəyə verilibBu gün, 16:15Azərbaycanda 3 helikopter satışa çıxarılır - FOTOBu gün, 16:10Putin Ərdoğanın dəvətini qəbul edibBu gün, 16:07AAYDA və “Azərsu” vətəndaşlara müraciət ediblər - FOTOBu gün, 15:54“Türkiyə bursları” təqaüd proqramına sənəd qəbulu aparılırBu gün, 15:49
Bütün xəbərlər

Next TV