Milli Məclisin Regional məsələlər komitəsinində 2 məsələ müzakirəyə çıxarılıb | 1news.az | Xəbərlər
Cəmiyyət

Milli Məclisin Regional məsələlər komitəsinində 2 məsələ müzakirəyə çıxarılıb

Qafar Ağayev16:52 - 18 / 01 / 2022
Milli Məclisin Regional məsələlər komitəsinində 2 məsələ müzakirəyə çıxarılıb

Yanvarın 18-də Milli Məclisin Regional məsələlər komitəsinin 2022-ci ilin yaz sessiyasında ilk iclası keçirilib.

Milli Məclisin Mətbuat və ictimaiyyətlə əlaqələr şöbəsindən 1news.az-a verilən məlumata görə, komitə sədri Siyavuş Novruzov iclasın gündəliyi barədə məlumat verib.

Prezident İlham Əliyevin ötən ildə işğaldan azad olunmuş ərazilərə tarixi səfərlərini və burada Böyük Qayıdışa hazırlıq məqsədilə uğurla həyata keçirilən nəhəng bərpa-quruculuq layihələrini xüsusi vurğulayan komitə sədri yola saldığımız ili Azərbaycanın Zəfər yürüşünün davamı kimi dəyərləndirib.

O, Prezident İlham Əliyevin siyasi iradəsi əsasında 2021-ci ildə həyata keçirilən sistemli islahatların iqtisadiyyatın inkişafı, idarəetmədə səmərəliliyin artırılması, qanunun aliliyinin təmin olunması, vətəndaş cəmiyyətinin və hüquqi dövlətin əsaslarının gücləndirilməsi baxımından əhəmiyyətini vurğulayıb.

Bildirib ki, ötən ildə siyasi dialoq prosesinin uğurla davam etdirilməsi milli birliyin daha da möhkəmlənməsinə mühüm töhfə verib. Siyavuş Novruzov qeyd edib ki, müasir Azərbaycan milli tərəqqinin yeni mərhələsinə qədəm qoyub, qalib ölkə, qalib xalq kimi qarşısında yeni perspektivlər açılıb.

Sonra Siyavuş Novruzov iclasın gündəliyi barədə məlumat verib. Bildirilib ki, iclasın gündəliyinə Milli Məclisin 2021-ci ilin payız sessiyası dövründə Regional məsələlər komitəsində görülən işlər barədə hesabat və Milli Məclisin Regional məsələlər komitəsinin 2022-ci ilin yaz sessiyası üçün iş planı daxil olmaqla 2 məsələnin müzakirəsi çıxarılıb.

Əvvəlcə hesabatı təqdim edən komitə sədri bildirib ki, hesabat dövründə Regional məsələlər komitəsinin keçirdiyi 7 iclasda 4 məsələyə baxılıb, o cümlədən “Yerli (bələdiyyə) vergilər və ödənişlər haqqında” Qanununda dəyişiklik edilməsi barədə qanun layihəsi və “Azərbaycan Respublikasının 2022-ci il dövlət büdcəsi haqqında” qanun layihəsi üç oxunuşda müzakirələrdən keçib. Komitə həmçinin Azərbaycan Şəhər, Qəsəbə və Kənd Bələdiyyələrinin Milli Assosiasiyaları ilə birgə “Azərbaycanın tarixi zəfəri” mövzusunda videokonfrans təşkil edib.

Fəaliyyətini karantin rejiminin tələblərinə uyğun quran komitənin ünvanına 2021-ci ilin payız sessiyası dövründə vətəndaşlardan elektron və kağız formada 67 müraciət, ümumilikdə komitə üzvlərinə 1034 müraciət daxil olub. Daxil olan müraciətlər araşdırılıb, onların bir qisminin icrası təmin edilib, digərlərinin həlli üçün aidiyyatı qurumlar qarşısında məsələ qaldırılıb və müvafiq tədbirlər görülüb.

Bildirilib ki, həmçinin regional məsələlər komitəsi üzvləri sosial şəbəkələrdə, kütləvi informasiya vasitələrində, müxtəlif tədbirlərdə fəal iştirak ediblər, aktual ictimai-siyasi məsələlərlə bağlı öz mövqelərini bildiriblər. Eyni zamanda təmsil etdikləri ərazilərdə cəmiyyətin həssas qrupları, şəhid ailələri, qazilərin problemləri ilə yaxından maraqlanıblar.

Sonra komitə sədri Regional məsələlər komitəsinin 2022-ci ilin yaz sessiyası üçün iş planını təqdim edib. Komitə sədri qarşıdakı sessiyada komitəyə daxil olan qanun layihələrinin müzakirəsi ilə yanaşı, aidiyyəti qurumların, yerli idarəetmə orqanlarının nümayəndələrinin iştirakı ilə dinləmələrin keçirilməsi kimi məsələlərin nəzərdə tutulması barədə məlumat verib.

İclasda çıxış edən Regional məsələlər komitəsinin sədrinin müavini Elşən Musayev, komitə üzvləri Məzahir Əfəndiyev, Səbinə Xasayeva, Aqil Məmmədov, Səttar Möhbalıyev, Kamran Bayramov, Cavid Osmanov, Nizami Cəfərov komitənin ötən sessiyada fəaliyyəti barədə danışıblar, təqdim olunan hesabatı qənaətbəxş sayıblar.

İclasda komitə üzvləri regionların inkişafı, yerli üzünü idarəetmə orqanlarının mövcud vəziyyəti və gələcək perspektivləri, işğaldan azad olunmuş ərazilərdə bələdiyyələrin yaradılması, bu istiqamətdə payız sessiyası dövründə dinləmələrin və müzakirələrin təşkili kimi məsələlərlə bağlı fikirlərini səsləndiriblər, rəy və təkliflərini irəli sürüblər.

Müzakirələrin sonunda Regional məsələlər komitəsinin Milli Məclisin 2021-ci ilin payız sessiyası dövründə gördüyü işlərlə bağlı hesabatı və 2022-ci ilin yaz sessiyasında iş planı təsdiqlənib.

İclasda Regional məsələlər komitəsinin üzvü Əliabbas Salahzadə və digər rəsmi şəxslər də iştirak ediblər.

Paylaş:
174

Son xəbərlər

Fərid Əhmədov nazir müavini təyin olunub - Prezidentdən SƏRƏNCAMBu gün, 22:26Samir Məmmədov rəqəmsal inkişaf və nəqliyyat nazirinin müavini təyin edilibBu gün, 22:22Cavid Qurbanov ADY sədri vəzifəsindən azad edildi, nazir müavini olduBu gün, 22:02Qala qoruğunda Beynəlxalq Çay Günü qeyd olunub - FOTOBu gün, 20:19İsveçrə Prezidenti İlham Əliyevi təbrik edibBu gün, 18:00Dolların sabaha olan rəsmi məzənnəsi açıqlanıbBu gün, 17:54Çempionlar Liqasında finalın topu təqdim edilibBu gün, 17:46Paytaxt məktəblərində “Şuşa İli” çərçivəsində tədbirlər davam edirBu gün, 17:39Qvineya-Bisau Prezidenti Azərbaycan dövlət başçısını təbrik edibBu gün, 17:32Nazirlər Kabineti rüsumlarla bağlı dəyişikliklər üzrə uyğunlaşdırmalar aparıbBu gün, 17:30Baş katib: “Heç bir NATO ölkəsi Türkiyə qədər terror hücumlarına məruz qalmayıb”Bu gün, 17:28“Toyota Prius” YPX avtomobilinə çırpıldı - VİDEOBu gün, 17:11Mayda qida zəhərlənməsindən 16 nəfər KTM-ə müraciət edibBu gün, 17:05Rəqəmsal İnkişaf və Nəqliyyat Naziri Selçuk Bayraktarla görüşüb - FOTOBu gün, 16:53ABB Şamaxı filialı və “Azəriqaz” şöbəsini də yenilədiBu gün, 16:40AQTA qanunsuz fəaliyyətlərin qarşısını almaq üçün sahibkarları diqqətli olmağa çağırırBu gün, 16:3552 saylı marşrut xəttindən şikayət var – Redaksiyaya məktubBu gün, 16:20Azərbaycanın paytaxtında Bakı Enerji Həftəsi keçiriləcəkBu gün, 16:14Fərid Qayıbov UNESCO-da komitə sədri seçildiBu gün, 15:56Həcc ziyarəti ilə bağlı sənədlərin qəbuluna start verilibBu gün, 15:51
Bütün xəbərlər

Next TV