Ailə qayğısından məhrum olan uşaqlar - “Çıxışa doğru”da MÜZAKİRƏ - FOTO - VİDEO
Uşaqları gündəlik həyatda düzgün məişət davranışına öyrətmək hələ erkən yaşından vacibdir.
Müvafiq qurumların mütəxəsislərinin və valideyinlərin əsas məqsədi uşaqlarda məişət tərbiyəsini formalaşdırmaqdır. Uşaqların məişətdə düzgün davranış bacarıqlarına malik olması təbii və texnogen mənşəli hadisələrin daha az olmasına gətirib çıxarar.
Son zamanlar kütləvi informasiya vasitələrində valideyn diqqətsizliyi və məsuliyyətsizliyi ilə əlaqədar baş verən hadisələrlə bağlı informasiyalar yayılır. Valideyinlər daim öz uşaqlarına qarşı məsuliyyətli və qayğılı olmalıdırlar. Əks təqdirdə, uşaqların itkin düşməsi, bədbəxt hadisələr nəticəsində həyatlarını itirməsi və digər xoşagəlməz hadisələr yaşanır...
1news.az-ın verdiyi xəbərə görə, AzTV-nin “Çıxışa doğru” verilişində "Ailə qayğısından məhrum olan uşaqlar" mövzusunda aparılan müzakirələr zamanı bu barədə ətraflı danışılıb. Verilişin qonaqları – Tarix elmləri üzrə fəlsəfə doktoru, Respublikanın əməkdar müəllimi, Təhsil Nazirliyi yanında İctimai Şuranın üzvü ,Gəncə Regional Qadın Mərkəzinin sədri Məleykə Əlizadə, psixoloq Fərqanə Mehmanqızı, Təhsil Menecmenti üzrə mütəxəssis Rasif Dünyamalıyev və "Hədəf" liseyinin direktoru, filologoya üzrə fəlsəfə doktoru Şəmil Sadiq mövzu ətrafında müzakirə aparıblar.
“Çıxışa doğru” verilişini bütöv şəkildə Azərbaycan Televiziyasının “YouTube” kanalından izləyə bilərsiniz:
