ADDA-da 20 Yanvar hadisələrinin ildönümü ilə əlaqədar tədbir keçirilib | 1news.az | Xəbərlər
Cəmiyyət

ADDA-da 20 Yanvar hadisələrinin ildönümü ilə əlaqədar tədbir keçirilib

Qafar Ağayev15:02 - 19 / 01 / 2022
ADDA-da 20 Yanvar hadisələrinin ildönümü ilə əlaqədar tədbir keçirilib

“Azərbaycan Xəzər Dəniz Gəmiçiliyi” QSC-nin (ASCO) Azərbaycan Dövlət Dəniz Akademiyasında (ADDA) 20 Yanvar hadisələrinin 32-ci ildönümü ilə əlaqədar tədbir keçirilib.

1news.az xəbər verir ki, tədbir Azərbaycanın bütövlüyü uğrunda canlarından keçən şəhidlərin əziz xatirəsinin bir dəqiqəlik sükutla yad edilməsi ilə başlanıb.

Anım tədbirində çıxış edən ADDA-nın rektoru Heydər Əsədov bildirib ki, 20 Yanvar hadisələrinin baş verməsindən 32 il ötsə də, xalqımız indiyədək bu faciəni unutmur, azadlığa gedən bu yolda göstərilən qeyrət, iradə və hünərlə fəxr edir.

Rektor Ümummilli Heydər Əliyevin 1990-cı il yanvarın 21-də həyatını təhlükə qarşısında qoysa da, ailə üzvləri ilə birgə Azərbaycanın Moskvadakı daimi nümayəndəliyinə gələrək, qanlı faciənin təşkilatçılarını dünya ictimaiyyəti qarşısında ittiham etdiyini diqqətə çatdırıb. Qeyd edib ki, 20 Yanvar faciəsinə siyasi-hüquqi qiymət də məhz ulu öndər Heydər Əliyevin 1993-cü ildə ikinci dəfə Azərbaycanda hakimiyyətə qayıdışından sonra verilib.

Heydər Əsədov bildirib ki, ötən illər ərzində xalqımızın mübarizə əzmi əyilmədi, əksinə bu istiqamətdə gücümüzü artırdıq, iradəmizi möhkəmləndirdik. 2020-ci ildə Vətən müharibəsində qazandığımız Böyük Qələbə bunu bir daha sübut etdi. Məhz Prezident, Ali Baş Komandan İlham Əliyevin rəhbərliyi ilə haqq savaşımız torpaqlarımızın işğaldan azad olunması ilə nəticələndi. Bu zəfərlə həm 20 Yanvar, həm də Qarabağ müharibəsi şəhidlərinin qisası alındı.

Sonra ADDA-nın “Humanitar fənlər” kafedrasının müdiri İlqar Abdullayev, Akademiyanın baş müəllimi Sevinc Rzayeva və 209 İ qrupunun tələbəsi Mirhəsən Səfərli çıxış edib. Onlar 20 Yanvar hadisələrinin tariximizə suverenliyimiz, müstəqilliyimiz və ərazi bütövlüyümüz uğrunda mübarizəmizin rəmzi kimi daxil olduğunu bildiriblər. Bununla belə, həmin günlərdə haqsızlıq və ədalətsizliyə etiraz edən dinc əhalinin sovet qoşunları tərəfindən amansızcasına qətlə yetirilməsi yalnız Azərbaycan xalqına qarşı deyil, insanlığa qarşı törədilən cinayət olduğu qeyd edilib.

Tədbirin sonunda ASCO-nun İctimaiyyətlə əlaqələr departamentinin hazırladığı “Azadlıqla bitən SOS” adlı tarixi-sənədli film nümayiş olunub.

Filmdə 1990-cı ilin yanvarın 19-dan 20-nə keçən gecə SSRİ rəhbərliyinin Azərbaycan xalqına qarşı törətdiyi qanlı cinayət zamanı dənizçilərimizin nümayiş etdirdiyi yenilməzlik və qəhrəmanlıqdan bəhs olunur. Hadisələrin canlı şahidi olan dənizçilərin fikirləri əsasında hazırlanan sənədli film tutarlı faktların zənginliyi ilə seçilir.

Paylaş:
127

Son xəbərlər

Fərid Əhmədov nazir müavini təyin olunub - Prezidentdən SƏRƏNCAM24 / 05 / 2022, 22:26Samir Məmmədov rəqəmsal inkişaf və nəqliyyat nazirinin müavini təyin edilib24 / 05 / 2022, 22:22Cavid Qurbanov ADY sədri vəzifəsindən azad edildi, nazir müavini oldu24 / 05 / 2022, 22:02Qala qoruğunda Beynəlxalq Çay Günü qeyd olunub - FOTO24 / 05 / 2022, 20:19İsveçrə Prezidenti İlham Əliyevi təbrik edib24 / 05 / 2022, 18:00Dolların sabaha olan rəsmi məzənnəsi açıqlanıb24 / 05 / 2022, 17:54Çempionlar Liqasında finalın topu təqdim edilib24 / 05 / 2022, 17:46Paytaxt məktəblərində “Şuşa İli” çərçivəsində tədbirlər davam edir24 / 05 / 2022, 17:39Qvineya-Bisau Prezidenti Azərbaycan dövlət başçısını təbrik edib24 / 05 / 2022, 17:32Nazirlər Kabineti rüsumlarla bağlı dəyişikliklər üzrə uyğunlaşdırmalar aparıb24 / 05 / 2022, 17:30Baş katib: “Heç bir NATO ölkəsi Türkiyə qədər terror hücumlarına məruz qalmayıb”24 / 05 / 2022, 17:28“Toyota Prius” YPX avtomobilinə çırpıldı - VİDEO24 / 05 / 2022, 17:11Mayda qida zəhərlənməsindən 16 nəfər KTM-ə müraciət edib24 / 05 / 2022, 17:05Rəqəmsal İnkişaf və Nəqliyyat Naziri Selçuk Bayraktarla görüşüb - FOTO24 / 05 / 2022, 16:53ABB Şamaxı filialı və “Azəriqaz” şöbəsini də yenilədi24 / 05 / 2022, 16:40AQTA qanunsuz fəaliyyətlərin qarşısını almaq üçün sahibkarları diqqətli olmağa çağırır24 / 05 / 2022, 16:3552 saylı marşrut xəttindən şikayət var – Redaksiyaya məktub24 / 05 / 2022, 16:20Azərbaycanın paytaxtında Bakı Enerji Həftəsi keçiriləcək24 / 05 / 2022, 16:14Fərid Qayıbov UNESCO-da komitə sədri seçildi24 / 05 / 2022, 15:56Həcc ziyarəti ilə bağlı sənədlərin qəbuluna start verilib24 / 05 / 2022, 15:51
Bütün xəbərlər

Next TV