DİN Bakıda Türkiyə bayrağına hörmətsizlik edən şəxslə bağlı araşdırmalara başlayıb - VİDEO

Daxili İşlər Nazirliyi Bakının Nizami rayonunda dalğalanan Türkiyə bayrağını kəsən şəxslə bağlı araşdırmalara başlayıb.

1news.az-ın verdiyi xəbərə görə, bu barədə Daxili İşlər Nazirliyinin Mətbuat xidmətinin şöbə rəisi, polis mayoru Elşad Hacıyev bildirib.

"Hadisə barədə məlumatlıyıq, araşdırma aparılır",- deyə polis mayoru bildirib.

Xatırladaq ki, sosial şəbəkələrdə Bakının Nizami rayonu, metronun "Qara Qarayev" stansiyasının yaxınlığında naməlum şəxsin əlindəki bıçaqla yolun kənarında dalğalanan Türkiyə bayrağının ipini kəsməsi barədə video yayılıb.