Azərbaycan ilə BƏƏ şirkəti arasında 4 sənəd imzalanıb

Azərbaycan və Birləşmiş Ərəb Əmirliklərinin (BƏƏ) "Masdar" şirkəti arasında dörd sənəd imzalanıb.

1news.az xəbər verir ki, imzalanan sənədlər arasında "Dənizdə inteqrasiya edilmiş bərpa olunan enerji sahəsində əməkdaşlığa dair Anlaşma Memorandumu", "Bərpa olunan enerji və enerji səmərəliliyi sahəsində Anlaşma Memorandumu", "Bərk məişət tullantılarından enerji istehsalı sahəsində Anlaşma Memorandumu" və "Qarabağ və Şərqi Zəngəzur iqtisadi rayonlarında bərpa olunan və təmiz enerji sahəsində əməkdaşlığa dair Anlaşma Memorandumu" yer alıb.

Xatırladaq ki, bu gün "Masdar" şirkəti tərəfindən Azərbaycanda inşa ediləcək 230 MVt gücündə Qaradağ Günəş Elektrik Stansiyasının təməlqoyma mərasimi keçirilib.