Siyəzəndə məktəbli bıçaqlanıb

Siyəzən rayonunda məktəbdə baş verən bıçaqlanma hadisəsinin bəzi detalları məlum olub.

1news.az-ın Report-a istinadla verdiyi xəbərə görə, hadisə aprelin 5-də şəhərin C.Cabbarlı adına 1 saylı tam orta məktəbinin həyətində qeydə alınıb.

Belə ki, IX sinif şagirdi M.X. ilə X sinif şagirdi F.T. arasında əvvəl şəxsi münaqişə zəminində mübahisə düşüb. Daha sonra M.X. üzərində gəzdirdiyi bıçaqla ona xəsarət yetirib.

Bu gün M.X. Siyəzən Rayon Məhkəməsinin qarşısına çıxarılır. Məhkəmənin onun barəsində qərar verəcəyi gözlənilir.