Xarici universitetlərə qəbul üzrə imtahan suallarını satan şəxslər həbs edildi | 1news.az | Xəbərlər
Cəmiyyət

Xarici universitetlərə qəbul üzrə imtahan suallarını satan şəxslər həbs edildi

16:20 - 19 / 05 / 2022
Xarici universitetlərə qəbul üzrə imtahan suallarını satan şəxslər həbs edildi

Xarici ölkələrin ali təhsil müəssisələrinə qəbul üçün hüquq verən beynəlxalq səviyyəli imtahan proqramı suallarının qabaqcadan qanunazidd şəkildə ayrı-ayrı şəxslərə satışını təşkil edən şirkət rəhbəri barəsində Baş prokuror yanında Korrupsiyaya qarşı Mübarizə Baş İdarəsi tərəfindən Dövlət Təhlükəsizliyi Xidmətinin aidiyyəti strukturu ilə birgə keçirilmiş əməliyyat-axtarış tədbirləri nəticəsində Baş İdarədə Cinayət Məcəlləsinin müvafiq maddələri ilə cinayət işi başlanmaqla istintaq aparılır.

Baş Prokurorluğun Mətbuat xidmətindən verilən məlumata görə, əməliyyat tədbirləri ilə "Uğur İstanbul 2012" MMC-nin direktoru Məmmədov Cahid Sabit oğlunun fərdi qaydada vətəndaşların xaricdə təhsil almasında köməklik göstərilməsi ilə məşğul olan Əliyev Şahin Sevindik oğlu və digər şəxslərlə qabaqcadan əlbir olub beynəlxalq səviyyədə fəaliyyət göstərən "College Board" özəl təşkilatının Təhsil Test Xidməti ("Educational Testing Service") üzrə imtahan növü olan "SAT" test-sxolastik qabiliyyət imtahanının (Scholastic Aptitude Test) kommersiya sirri təşkil edən sual-məlumat bazasını nüfuz alveri etməklə külli miqdarda pul vəsaiti müqabilində bu növ imtahanların keçirilməsinə lisenziyası olan Türkiyə Respublikasının İzmir və İstanbul şəhərlərində yerləşən təhsil mərkəzlərindən qanunsuz əldə etməsinə əsaslı şübhələr müəyyən edilmişdir.

Qeyd edilən qanunsuz hərəkətlərin davamı kimi, Cahid Məmmədovun qanunsuz əldə etdiyi həmin sualları direktoru olduğu MMC və Bakı şəhərində fəaliyyət göstərən "Uğur N" MMC adlı digər tədris müəssisəsi, habelə qabaqcadan əlbir olduğu Şahin Əliyev və başqalarının vasitəsi ilə külli miqdarda pul vəsaiti müqabilində Türkiyə və Azərbaycan respublikaları ərazisində ayrı-ayrı şəxslərə satıb yaymasına, bununla da "College Board" təşkilatının və cəmiyyətin təhsil müəssisələrinə qəbulun beynəlxalq səviyyədə müəyyən olunmuş standartlar üzrə şəffaf və obyektiv əsaslarla həyata keçirilməsinin, məxfiçiliyin, rəqabətliliyin və təhsilin effektivliyinin təmin edilməsi ilə əlaqədar hüquqlarına və qanuni mənafelərinə mühüm zərər vurmasına əsaslı şübhələr müəyyən edilmişdir.

İş üzrə toplanmış sübutlar əsasında Cahid Məmmədov və Şahin Əliyevin Cinayət Məcəlləsinin 202.1 (kommersiya və ya bank sirri olan məlumatları qanunsuz yolla əldə etmə və ya yayma), 308.2 (vəzifə səlahiyyətlərindən sui-istifadə ağır nəticələrə səbəb olduqda), 312-1.2-ci (vəzifəli şəxsin qərarına qanunsuz təsir göstərmə) maddələri ilə ittiham elan edilməklə barələrində məhkəmənin qərarı ilə həbs qətimkan tədbiri seçilmişdir.

Hazırda cinayət işi üzrə qeyd olunan qanunsuz halların tam, hərtərəfli və obyektiv yoxlanılmaqla digər təqsirli şəxslərin müəyyənləşdirilərək məsuliyyətə cəlb edilmələri istiqamətində zəruri istintaq-əməliyyat tədbirləri davam etdirilir.

Azərbaycan Respublikasının Baş Prokurorluğu bu qəbildən olan qanunazidd hallarla üzləşən vətəndaşlardan Baş Prokurorluğun "961" Çağrı mərkəzinə və ya Baş prokuror yanında Korrupsiyaya qarşı Mübarizə Baş İdarəsinin "161-Qaynar xətt" əlaqə mərkəzinə məlumat vermələri xahiş edilir.

1news.az

Paylaş:
72

Son xəbərlər

“Badamlı 75” lotereyasının 2-ci tirajının qaliblərinə hədiyyələr təqdim edilib02 / 07 / 2022, 19:00DSMF-nin yeni elektron xidməti istifadəyə verilib - VİDEO02 / 07 / 2022, 18:13Azərbaycan və Türkiyə birgə hərbi təlim keçirib02 / 07 / 2022, 17:50“Yüksəliş” müsabiqəsinin yarımfinal mərhələsi davam edir - FOTO02 / 07 / 2022, 17:24İstanbul-Bakı aviareysinin gecikmə səbəbi açıqlandı02 / 07 / 2022, 17:23Ölkədə vaksinasiya statistikası açıqlandı - FOTO02 / 07 / 2022, 17:13Azərbaycanda son sutkada neçə nəfər koronavirusa yoluxub? - STATİSTİKA02 / 07 / 2022, 17:06Azərbaycan Ordusunun əsgəri texniki qəza nəticəsində həlak olub02 / 07 / 2022, 16:53Bakıda yaşayış binasında yanğın başlayıb02 / 07 / 2022, 15:57Bakıda gənc dənizdə boğularaq ölüb02 / 07 / 2022, 15:39“Əziz Şuşa” adlı beynəlxalq velosiped yarışı keçiriləcək02 / 07 / 2022, 15:28İndiyədək vəzifələrini yerinə yetirərkən daxili işlər orqanlarının 114 əməkdaşı və hərbi qulluqçusu həlak olub - VİDEO02 / 07 / 2022, 14:55Bakıda tarixi binanın üzərində inşa edilən əlavə tikili söküldü02 / 07 / 2022, 14:46Dərman preparatlarının qanunsuz yolla ölkəyə gətirilməsinin qarşısı alınıb02 / 07 / 2022, 14:41Azərbaycan və Türkiyənin birgə idarə edəcəyi peşə məktəblərinin fəaliyyətə başlayacağı vaxt açıqlanıb02 / 07 / 2022, 14:36DİM sədri buraxılış və qəbul imtahanlarında 700 bal toplanılmaması məsələsinə münasibət bildirib02 / 07 / 2022, 14:30Yevlaxda Azərbaycan Polisi günü qeyd edilib - FOTO02 / 07 / 2022, 14:26ADA Universitetində “Məzun günü” keçirilib - FOTO02 / 07 / 2022, 14:19Bazar gününün hava proqnozu açıqlanıb02 / 07 / 2022, 14:01Vüqar Rəhimzadə: Xəzəryanı ölkələr arasında dostluq və mehriban qonşuluq münasibətləri regionda sabitliyin və təhlükəsizliyin mühüm amilidir02 / 07 / 2022, 13:57
Bütün xəbərlər

Next TV