BNA: Bakıda bəzi avtobusların hərəkət intervalında gecikmələr var

Bu səhər pik saatlarında paytaxtın Moskva prospektində Beynəlxalq Avtovağzalın qarşısından 20 Yanvar dairəsinə qədər əsas və kənar yolda nəqliyyat vasitələrinin hərəkətində sıxlıq müşahidə olunduğundan həmin ərazidən keçən 2, 7A, 13, 18, 14, 37, 65, 67, 83, 92, 119, 135 və 199 nömrəli müntəzəm marşrut xətləri üzrə avtobusların hərəkət intervallarında gecikmələr müşahidə olunur.

1news.az xəbər verir ki, bu barədə Bakı Nəqliyyat Agentliyindən məlumat verilib.

Bildirilib ki, Vahid Dispetçer Xidmətinin məlumatına əsasən, qeyd olunan marşrut xətləri üzrə, ümumilikdə, 15-20 avtobus 18-22 dəqiqə gecikmə ilə hərəkət edirlər.

A.Puşkin küçəsi Muğan bağının qarşısından Ü.Hacıbəyov küçəsi ilə kəsişməyə qədər müşahidə olunan nəqliyyat sıxlığı səbəbindən 1, 4, 5, 46, 125 və175 nömrəli müntəzəm marşrut xətləri üzrə avtobuslararası hərəkət intervallarında 15-16 dəqiqə gecikmə müşahidə olunur. 13-15 ədəd avtobus sıxlıqda qalıb.