Yevlaxda Azərbaycan Polisi günü qeyd edilib - FOTO | 1news.az | Xəbərlər
Cəmiyyət

Yevlaxda Azərbaycan Polisi günü qeyd edilib - FOTO

14:26 - 02 / 07 / 2022
Yevlaxda Azərbaycan Polisi günü qeyd edilib - FOTO

Yevlaxda Azərbaycan polisinin yaranmasının 104-cü ildönümü münasibətilə tədbir keçirilib.

1news.az xəbər verir ki, tədbir iştirakçıları əvvəlcə xalqımızın ümummilli lideri Heydər Əliyevin abidəsi önünə gül-çiçək dəstələri düzərək, dahi şəxsiyyətin əziz xatirəsini ehtiramla yad ediblər.

Rayon Polis Şöbəsində davam edən tədbirdə Azərbaycan Respublikasının Daxili İşlər Naziri general-polkovnik Vilayət Eyvazovun polis əməkdaşlarına təbriki oxundu.

Sonra çıxış edən Yevlax Şəhər İcra Hakimiyyətinin başçısı Anar Tağıyev polis əməkdaşlarını peşə bayramı münasibətilə təbrik edib, çətin və şərəfli vəzifələrində onlara uğurlar arzulayıb. Bildirib ki, 104 yaşlı daxili işlər orqanları bütün dövrlərdə xalqın və ölkənin təhlükəsizliyinin keşiyində etibarlı dayanıb, cinayətkarlığa qarşı qətiyyətli mübarizəni təşkil ediblər. Bu əlamətdar günün qeyd olunmasının əsası ümummilli liderimiz Heydər Əliyevin 1998-ci ildə imzaladığı Sərəncamla qoyulmuşdur. Ulu öndər Heydər Əliyevin rəhbərliyi ilə respublikamızın iqtisadi, sosial və digər sahələrdə böyük uğurlar qazandığı 1970-1980-ci illər Daxili İşlər Nazirliyinin tarixinə ən mühüm mərhələ kimi düşüb. Bu dövrdə ümummilli lider böyük uzaqgörənliklə daxili işlər orqanlarının təşkilati və ideoloji cəhətdən möhkəmlənməsi, sıralarının saflaşdırılması, peşəkar kadrların irəli çəkilməsi ilə bağlı mühüm qərarlar qəbul edib.

Möhtərəm Prezidentimiz Müzəffər Ali Baş Komandan cənab İlham Əliyevin həyata keçirdiyi hərtərəfli islahatlar çərçivəsində daxili işlər orqanlarının da müasirləşməsi üçün bütün lazımi tədbirlər görülüb. Bu gün ölkə başçısının diqqət və qayğısı sayəsində davamlı inkişafda olan daxili işlər orqanları ölkədə cinayətkarlığa, onun transmilli növlərinə qarşı mübarizədə, asayişin və təhlükəsizliyin təmin olunmasında önəmli xidmətləri ilə seçilir. Eyni zamanda, vətəndaşların hüquq və azadlıqlarının müdafiəsi sahəsində üzərlərinə düşən funksiyaları peşəkarlıqla yerinə yetirir və hər zaman vəzifə borcuna sadiq qalaraq ona bəslənən inam və etimadı doğruldurlar.

Yevlax Rayon Polis Şöbəsinin rəisi, polis polkovniki Elnur Mehtiyev çıxış edərək bildirib ki, yarandığı gündən daxili işlər orqanlarının şərəfli xidmət yolu keçdiyini, polisin hər zaman dövlətçiliyimizə sadiq olduğunu və sabitliyin, əmin-amanlığın qorunmasında fədakar xidmət aparıblar.

Daha sonra çıxış edənlər Azərbaycan Polisinin 104 illiyi münasibətilə polis əməkdaşlarını təbrik edərək şəxsi heyətə gələcək fəaliyyətlərində də uğurlar arzulayıblar.

Sonda 2 İyul Polis işçilərinin peşə bayramı günü münasibəti ilə və rayon ərazisində cinayətkarlığa qarşı mübarizənin aparılmasında, ictimai asayişin qorunmasında fərqləndiklərinə görə bir qrup polis işçisinə Yevlax Şəhər İcra Hakimiyyətinin Fəxri Fərmanı və qiymətli xatirə hədiyyələri təqdim olunub.

Paylaş:
195

Son xəbərlər

Dolların sabaha olan rəsmi məzənnəsi açıqlanıb11 / 08 / 2022, 17:56Bakıda həbsxanada 5 məhkum öldü - ADLAR11 / 08 / 2022, 17:50Prezidentin evində axtarış aparılıb11 / 08 / 2022, 17:43Müslüm Maqomayevin xatirə gecəsi keçiriləcək - VİDEO11 / 08 / 2022, 17:38Bu ermənilər Zabuxdan Xankəndiyə köçür11 / 08 / 2022, 17:16“Ukraynadakı müharibə Rusiyanın hərbi sənayesini sarsıdıb” - Britaniya kəşfiyyatı11 / 08 / 2022, 17:09Nəzarətə götürülən Buzdux və digər yüksəkliklərdə mühəndis işləri görülür - VİDEO11 / 08 / 2022, 16:55Azərbaycanda COVID-19 əleyhinə peyvənd olunanların sayı açıqlanıb11 / 08 / 2022, 16:38Azərbaycanda daha 488 nəfər koronavirusa yoluxub - STATİSTİKA11 / 08 / 2022, 16:35FHN hava şəraiti ilə bağlı əhaliyə müraciət edib11 / 08 / 2022, 16:32Rusiyanın 2 silah anbarı məhv edildi11 / 08 / 2022, 16:30Daha iki güləşçimiz İslam Həmrəyliyi Oyunlarında finala yüksəlib11 / 08 / 2022, 16:23Təmayül siniflərin növbəti tədris ili üçün tədris planları təsdiq edilib11 / 08 / 2022, 16:07Oktyabrda TDT-yə üzv ölkələrin müsəlman dini liderlərinin Azərbaycanda görüşü olacaq11 / 08 / 2022, 16:01Məktəbəhazırlıq qruplarının dərs və tətil vaxtları açıqlanıb11 / 08 / 2022, 15:38Azərbaycan Avtomobil Yolları Dövlət Agentliyi sürücülərə müraciət edib11 / 08 / 2022, 15:36Məktəbəhazırlıq qruplarının tədris planı təsdiq edilib11 / 08 / 2022, 15:34Bəzi yerlərdə temperatur 42 dərəcəyə çatacaq - XƏBƏRDARLIQ11 / 08 / 2022, 15:25Bir qrup QHT nümayəndəsi Azərbaycan səfirliyinə hücumu pisləyib11 / 08 / 2022, 15:22Qanunsuz ov edən şəxslər cəzalandırılıb11 / 08 / 2022, 15:16
Bütün xəbərlər

Next TV