Bakıda məşhur ticarət mərkəzinin yaxınlığında qanunsuz tikintinin qarşısı alınıb

Ötən gün sosial şəbəkədə Nərimanov rayonu Təbriz küçəsində, “Metropark” Ticarət Mərkəzinin yaxınlığında yeni yaşayış binası tikintisi zamanı binanın qarşısının genişləndirilməsi və səkinin zəbt edilməsi barədə məlumat yayılmışdı.
1news.az-ın verdiyi məlumata görə, Nərimanov Rayon İcra Hakimiyyəti tərəfindən məsələyə operativ şəkildə reaksiya verilib, rayonun kommunal xidmətləri tərəfindən həmin əlavə tikinti sökülüb, hazırda ərazi təmizlənir, tikinti materialları daşınır.