Bakıda çoxmərtəbəli yaşayış binasında baş verən yanğın söndürülüb - YENİLƏNİB
Bakı şəhəri, Xətai rayonu, 8 Noyabr prospektində çoxmərtəbəli binada baş vermiş yanğın Fövqəladə Hallar Nazirliyinin Dövlət Yanğından Mühafizə Xidmətinin yanğından mühafizə bölmələri tərəfindən söndürülüb.
Bu barədə Fövqəladə Hallar Nazirliyindən 1news.az-a məlumat verilib.
***
Saat 16:19
Bakıda çoxmərtəbəli yaşayış binasında yanğın başlayıb.
Fövqəladə Hallar Nazirliyindən 1news.az-a verilən məlumata görə, hadisə paytaxtın Xətai rayonunda baş verib.
"112" qaynar telefon xəttinə Bakı şəhəri, Xətai rayonu, 8 Noyabr prospektində çoxmərtəbəli binada (yaşayış yoxdur) yanğın olması barədə məlumat daxil olub.
Məlumatla əlaqədar FHN Dövlət Yanğından Mühafizə Xidmətinin yanğından mühafizə bölmələri yanğınsöndürmə işlərinə cəlb olunub.
