Bir şagirdin məktəb bazarlığı neçəyə başa gəlir? - FOTO - REPORTAJ | 1news.az | Xəbərlər
Cəmiyyət

Bir şagirdin məktəb bazarlığı neçəyə başa gəlir? - FOTO - REPORTAJ

Ayşən İsmayılova11:50 - 01 / 09 / 2022
Bir şagirdin məktəb bazarlığı neçəyə başa gəlir? - FOTO - REPORTAJ

2022-2023-cü tədris ilinin başlamasına sayılı günlər qalıb. Valideynlər artıq məktəb forması və məktəb ləvazimatlarının alış-verişinə başlayıblar.

Bəs bazarlarda qiymətlər necədir? Bir şagirdin məktəb bazarlığı təxminən neçəyə başa gəlir? Valideynlər bu qiymətlərdən razıdırlarmı?

Qeyd etdiyimiz suallara cavab tapmaq üçün kiçik araşdırma aparmaq qərarına gəldik. 28 May metrostansiyası yaxınlığında yerləşən təhsil yarmarkalarına baş çəkərək qiymətlərlə tanış olduq. Müşahidələrimizə əsasən, məktəb ləvazimatlarının qiymətlərini təqdim edirik:

Çantalar - 10 AZN-dən 60 AZN-ə qədər;

Dəftərlər 12 - 100 vərəqli olmağından asılı olaraq 0.15 AZN-dən 1.50 AZN-ə qədər;

Qələm - 0.10 AZN-dən 1 AZN-ə qədər;

Sadə karandaş - 0.10 AZN-dən 1 AZN-də qədər;

Rəngli karandaşlar – 1.50 AZN-dən 8 AZN-ə qədər;

Karandaşyonan - 0.30 AZN-dən 2 AZN-ə qədər;

Pozan - 0.20 AZN-dən 1 AZN-ə qədər;

Plastilin - 1 AZN-dən 7 AZN-ə qədər;

Rəngli kağızlar - 1 AZN-dən 2 AZN-ə qədər;

Rəsm albomu - 1 AZN-dən 4 AZN-ə qədər;

Dəftər və kitab üzləri - 1.50 AZN-dən 3 AZN-ə qədər;

Qovluqlar - 0.50 AZN-dən 4 AZN-ə qədər;

Yapışqan - 0.30 AZN-dən 2 AZN-ə qədər;

Ağardıcı - 0.60 AZN-dən 1 AZN-ə qədər;

Flomaster – 1.20 AZN-dən 5 AZN-ə qədər;

Xətkeş - 0.50 AZN-dən 5 AZN-ə qədər;

Marker - qiyməti 0.50 AZN-dən başlayır

Su qabıları – 4 AZN-dən 8 AZN-ə qədər;

Termoslar - 7 AZN-dən 20 AZN-ə qədər

Yarmarkada övladları üçün məktəb alış-verişi edən valideynlərlə də həmsöhbət olduq. Onlar yarmarka qiymətlərinin münasib olduğunu bildirdilər.

Oğlu 1-ci sinfə hazırlaşan Günay Əlihəsənova qiymətlərin münasib olduğunu düşünür:

“Hələ ki alış-veriş etməmişik, qiymətlərlə maraqlanıram. Qiymətlər elə də yuxarı deyil, yaxşıdır”.

İki övladı üçün məktəb alış-verişi edən Nərgiz Hümbətova da bəzi yerlərdəki qiymətlərdən narazı qalsa da, yarmarka qiymətlərinin büdcələrinə uyğun olduğunu qeyd edib:

“Oğlum 7-ci, qızım da 3-cü sinfə gedir. Bundan əvvəl bəzi yerlərə baxmışdım, qiymətlər çox baha idi, amma bura daha münasibdir”.

Rəvanə Babayeva da qiymətlərdən narazı olmadığını söyləyən valideynlərdəndir:

“Məncə, qiymətlər normaldır, məni qane edir”.

Bakı Tikiş Evinə gedib formaların satışı ilə bağlı vəziyyətlə də tanış olduq. Müşahidələrimizə əsasən deyə bilərik ki, BTE - də bəzi günlər lazım olan geyimləri ümumiyyətlə tapmaq olmur. Yeni geyimlər gətirildiyi vaxtlarda isə izdiham müşahidə edilir.

Bundan əlavə, bəzi valideynlər formaların keyfiyyətindən və qiymətindən narazılıq edirlər. Qiymətlərə gəlincə, uzunqol və qısaqol köynəklər təxminən 14 manata, şalvar və ətək 25 manata, ümumi məktəbli forması dəsti (şalvar-köynək, köynək-ətək) isə 39 manata satılılır. Bir evdə ən az iki məktəbli olduğunu nəzərə alsaq, valideynlərin gileylənməkdə haqsız olmadıqlarını deyə bilərik. Çünki bir şagirdin məktəb bazarlığı üçün lazım olan xərc 70-80 AZN, forma ilə birlikdə isə təxmini hesabla 108-115 AZN arasında dəyişir.

Ayşən İsmayılova

Foto: Nadir İbrahimli

Paylaş:
583

Son xəbərlər

İlham Əliyev: İran Prezidentinin olduğu helikopterin qəza enişi barədə xəbər bizi ciddi narahat etdi19 / 05 / 2024, 21:12İran Prezidentinin olduğu helikopter qəzaya uğradı - YENİLƏNİB19 / 05 / 2024, 20:59“Xudafərin” hidroqovşağının istismara verilməsi və “Qız Qalası” hidroqovşağının açılış mərasimi keçirilir19 / 05 / 2024, 12:44Azərbaycan ilə İranın dövlət sərhədində İlham Əliyevin və İbrahim Rəisinin görüşü olub - FOTO19 / 05 / 2024, 12:32Mehriban Əliyeva Zəngilan səfəri ilə bağlı paylaşım edib18 / 05 / 2024, 18:04Qarabağ Universitetinin bukleti hazırlanıb18 / 05 / 2024, 17:47Prezident Cəbrayıl rayonunun Sarıcallı kəndinin təməlini qoyub18 / 05 / 2024, 17:30Prezident və birinci xanım Zəngilan məscidinin açılışında iştirak ediblər - YENİLƏNİB18 / 05 / 2024, 17:08“AzərEnerji ASC-nin “Zəngilan” və “Şayıflı” Su Elektrik stansiyaları istifadəyə verilib - YENİLƏNİB18 / 05 / 2024, 16:45İlham Əliyev Cəbrayıl rayonunun Maşanlı kəndinin təməlini qoyub - YENİLƏNİB18 / 05 / 2024, 16:29Prezident və birinci xanım Zəngilanda “Ağalı” hotelinin açılışında iştirak ediblər - YENİLƏNİB18 / 05 / 2024, 16:26İlham Əliyev Cəbrayıl rayonunun Böyük Mərcanlı kəndinin təməlini qoyub18 / 05 / 2024, 16:24Prezident Cəbrayılın Karxulu kəndinin təməlini qoyub - FOTO18 / 05 / 2024, 16:18Yağıntılı hava şəraiti davam edir - FAKTİKİ HAVA18 / 05 / 2024, 15:58Zəngilan şəhərinin daxili yol-kommunikasiya şəbəkəsinin təməli qoyulub18 / 05 / 2024, 15:39“Coca-Cola” Azərbaycanda ikinci istehsal müəssisəsini açacaq - FOTO18 / 05 / 2024, 15:11Dövlət başçısı Zəngilan rayonunun Mincivan qəsəbəsinin təməlini qoyub - YENİLƏNİB18 / 05 / 2024, 14:47Paytaxtın mərkəzi küçələrində “kokain” və “ekstazi” həblərinin satışını təşkil etmək istəyən şəxs saxlanılıb - VİDEO18 / 05 / 2024, 14:27Rəşad Nəbiyev Şəkidə vətəndaşları qəbul edib18 / 05 / 2024, 14:09İlham Əliyev Cəbrayıl rayonunun Böyük Mərcanlı, Karxulu və Sarıcallı kəndlərinin təməllərini qoyub18 / 05 / 2024, 13:43
Bütün xəbərlər