“Füzuli Mərkəzi Park”ın torpaq nümunələri Türkiyədə laboratoriya analizindən keçiriləcək - FOTO | 1news.az | Xəbərlər
Cəmiyyət

“Füzuli Mərkəzi Park”ın torpaq nümunələri Türkiyədə laboratoriya analizindən keçiriləcək - FOTO

12:10 - 01 / 10 / 2022
“Füzuli Mərkəzi Park”ın torpaq nümunələri Türkiyədə laboratoriya analizindən keçiriləcək - FOTO

Sentyabrın 28-də işğaldan azad olunmuş Füzuli şəhərində burada yaradılacaq “Mərkəzi Park”ın salınması ilə bağlı görüş keçirilib.

Görüşdə Qarabağ Dirçəliş Fondu, Azərbaycan Respublikası Ekologiya və Təbii Sərvətlər Nazirliyi (ETSN), Qarabağ iqtisadi rayonuna daxil olan işğaldan azad edilmiş ərazilərdə (Şuşa rayonu istisna olmaqla) Azərbaycan Respublikası Prezidentinin xüsusi nümayəndəliyinin əməkdaşları və ölkəmizdə səfərdə olan Türkiyə Respublikasının Kənd Təsərrüfatı və Meşə Nazirliyinin nümayəndələri iştirak ediblər.

Görüş Azərbaycan Respublikası Ekologiya və Təbii Sərvətlər Nazirliyi və Qarabağ Dirçəliş Fondunun birgə təşəbbüsü ilə təşkil olunub.

Görüş zamanı qonaqlara “Füzuli Mərkəzi Park” layihəsi ilə bağlı ətraflı məlumat verilib, mövzu ilə bağlı müvafiq müzakirələr aparılıb.

Daha sonra park ərazisinə aid olan müxtəlif yerlərdən torpaq nümunələri götürülüb. Həmin nümunələr Türkiyədə yerləşən müasir laboratoriyada aparılacaq analizlərinin nəticəsinə əsasən parkda əkilməsi üçün ərazinin iqlim şəraitinə uyğun olan ağac növlərinin müəyyənləşdirilməsinə töhfə verəcək.

Qeyd edək ki, Azərbaycan Respublikasının Prezidenti cənab İlham Əliyev və birinci xanım Mehriban Əliyeva bu il mayın 10-da “Füzuli Mərkəzi Park” kompleksinin ərazisində ağac əkiblər. Dövlət başçısına və birinci xanıma parkda görüləcək işlər barədə məlumat verilib.

Xatırladaq ki, torpaqlarımızın erməni işğalından azad edilməsi humanitar fəlakətlə yanaşı, Qarabağda dağıntıların miqyasının necə böyük olmasını, yüzlərlə yaşayış məntəqəsinin və minlərlə tikilinin erməni işğalçıları tərəfindən yer üzündən demək olar ki, tamamilə silindiyini üzə çıxardı.

Zərər yalnız maddi obyektlərlə, tarixi abidələrlə və memarlıq inciləri ilə məhdudlaşmır. Təbii sərvətlərin amansızcasına istismar olunması, meşələrin qırılması, çay və göllərin çirkləndirilməsi nəticəsində regionun ekologiyasına böyük zərər vurulub.

“Füzuli Mərkəzi Park”ın salınması işğaldan azad edilmiş ərazilərdə ekoloji tarazlığın bərpası, həmin ərazilərin sağlam, müasir və abad yaşayış mühitinə çevrilməsi, burada sakinlərin dayanıqlı məskunlaşması istiqamətində aparılan işlərə ciddi töhfə verəcək.

Paylaş:
270

Son xəbərlər

Siqaretin sağlamlığa mənfi təsiri - “Çıxışa doğru”da MÜZAKİRƏBu gün, 00:07“Huawei” İKT Akademiyası rəqəmsal ekosistemləri zənginləşdirmək üçün Azərbaycanın ən yaxşı təhsil müəssisələri ilə əməkdaşlığa başlayıb - FOTO30 / 11 / 2022, 19:00Yeni dünyaya gələn şəhid övladının adına 5 min manatlıq depozit hesabı yaradılır - FOTO30 / 11 / 2022, 17:55DİM Elm və Təhsil Nazirliyində işə qəbul üzrə müsahibələri ləğv edib30 / 11 / 2022, 17:48AMB dekabrın 1-nə olan USD/AZN rəsmi məzənnəsini açıqlayıb30 / 11 / 2022, 17:38Ukraynanın İspaniyadakı səfirliyində partlayış oldu30 / 11 / 2022, 17:30Rəqəmsal xidmətlərin genişləndirilməsi məqsədilə normativ hüquqi aktlar təkmilləşdiriləcək30 / 11 / 2022, 17:29Goranboyda zəlzələ baş verib30 / 11 / 2022, 17:16Azərbaycan Ordusunun mövqeləri atəşə tutulub30 / 11 / 2022, 17:08İlham Əliyev və Mehriban Əliyeva Musa Rüstəmovun vəfatı ilə bağlı nekroloq imzalayıblar30 / 11 / 2022, 16:55Bir qrup şəxs Prezidentin fəxri diplomu ilə təltif edilib30 / 11 / 2022, 16:49TƏBİB-in İcraçı direktoruna müavinlər təyin edilib - FOTO30 / 11 / 2022, 16:48Azərbaycan və Özbəkistan HHQ arasında əməkdaşlığın genişləndirilməsi məsələləri müzakirə edilib30 / 11 / 2022, 16:42Bir qrup jurnalistə “Əməkdar jurnalist” fəxri adı verilib30 / 11 / 2022, 16:41“Odda-İki bacı” filminin nümayişi baş tutmayacaq - Səfirlik açıqlama yaydı30 / 11 / 2022, 16:39Cəlilabadda yol tikintisinə 17,2 milyon manat ayrıldı - Prezidentdən SƏRƏNCAM30 / 11 / 2022, 16:38Mobil cihazın qeydiyyatından yayınanlar 12 min manat cərimə ediləcək30 / 11 / 2022, 16:24BŞH velosiped zolağının inşası ilə bağlı açıqlama verib30 / 11 / 2022, 16:20Maliyyə piramidası yaradaraq vətəndaşların pulunu ələ keçirən şəxslərə hökm oxunub - VİDEO30 / 11 / 2022, 16:02Ətraf mühitin və su hövzələrinin qorunmasına dair layihəyə yekun vurulub30 / 11 / 2022, 15:59
Bütün xəbərlər

Next TV