“Erməni əsirlər”in güllələnməsi videosunun saxta olması ilə bağlı sübutlar- Polkovnikdən ŞƏRH
Son vaxtlar sosial şəbəkələrdə yayılan və müzakirə mövzusuna çevrilən bir video var. Videoda guya bir neçə erməni əsgərinin Azərbaycan hərbçiləri tərəfindən əsir götürülməsi və güllələməsi əksini tapır.
Lakin əsir götürülən əsgərləri güllələyərkən "iki daşın arasında" çəkiliş aparmaq heç də inadırıcı görünmür.
1news.az-ın məlumatına görə, I Qarabağ müharibəsi iştirakçısı, ehtiyatda olan polkovnik, "Qafqaz Tarixi Mərkəzi"nin Türkiyə təmsilcisi Akif Qasımov da videonun saxta olduğunu və təxribat məqsədilə hazırlandığını qeyd edib.
- Videoda "Atəş açmayın!" Əmrindən sonra atəşin açılması müşahidə edilir. - Peşəkar Azərbaycan ordusunda belə bir halın olması mümkün sayılmır. Azərbaycan əsgərində nizam-intizama (özəlliklə silah və atəş mövzusunda!) ciddi yanaşma mövcuddur. (Hələ-hələ söhbət öncül birliklərdən gedirsə)...
- istinad olunan materialda hücum edən hərbi qulluqçuların üzündə və hərəkətlərində dəniz səviyyəsindən yüzlərlə metr yüksəkliyə qalxmış insanda olmalı olan fiziki yorğunluq, tövşümək kimi əlamətlər müşahidə edilmir;
- Səhnədə yer alan bütün hərbçilərin hərbi geyimləri təptəzədir və geyimlərin üzərində heç bir aşınma, yirtılma, köhnəlmə, su, palçıq, tər və s. kimi əlamətlər müşahidə edilmir;
- Ən önəmlisi, atəş açanlardan bir nəfərin "qatarla" ("avtomatik") amma digələrinin "tək-tək" vəziyyətində atəş açması müşahidə edilməkdədir. Avtomatik atan Kalaşnikov silahının lüləsinin ağız hissəsinə gümüşü rəngli bir qurğunun taxıldığı görünür. Bu qurğu "Boş mərmilər atmaq üçün nozzler (nasadka; "Насадки для холостой стрельбы") adlanır. Bu qurğu ilə (avtomatdan) avtomatik atışı təmin etmək üçün istifadə edilir; olmayanda isə tək-tək atır. Yəni ehtimal odur ki, istifadə edilən patronlar təlim məqsədli və filmlər üçün nəzərdə tutulmuşdur;
- Güllələrin "dəydiyi" bədən və yerlər filmlərdə istifadə edilən imitasyon vasitələrdən yararalanılması ehtimalını yüksəldir. Tək-tək atış icra edənlərin güllə yerində, "cəsədlər" arasında ağ toz tüstüsünün çıxdığı görünür. Bu görüntüləri Ermənistan xüsusi xidmət orqanlarının təşkil etmədiyini və Azərbaycanın imicinə zərbə vurmaqçün növbəti cəhd olmadığını kim sübut edə bilər?
