Azərbaycana gələn Özcan Dənizdən paylaşım: “İkinci evimizə ayaq basdıq” - FOTO
Məşhur türkiyəli müğənni Özcan Dəniz Azərbaycana gəlib.
1news.az xəbər verir ki, bu haqda müğənninin özü instaqramda hekayə bölümündə paylaşım edib:
“İkinci evimizə ayaq basdıq. Hər gəlişimdə Azərbaycanın daha böyüdüyünü, daha gücləndiyini görmək görmək möhtəşəmdir”.
Özcan Dənizin əynində olan köynək də diqqət çəkib. Belə ki, köynəyin üzərində Azərbaycan-Türkiyə bayraqları və "Bir millət, iki dövlət" sözləri yer alıb.
Xatırladaq ki, Ö.Dənizin Bakıda konserti sentyabrın 16-da baş tutmalı idi, lakin sentyabrın əvvəlində Ermənistan silahlı qüvvələrinin törətdiyi genişmiqyaslı təxribatın qarşısının alınması zamanı Azərbaycan hərbçilərinin həlak olması səbəbindən onun konserti təxirə salınmışdı və bu gün Bakı Konqres Mərkəzində baş tutacaq.
