Toyda sifariş etdiyi mahnı oxunmadığı üçün özünə xəsarət yetirdi

Gəncədə 26 yaşlı oğlan toyda özünə xəsarət yetirib.

1news.az Qafqazinfo-ya istinadla xəbər verir ki, hadisə şəhər ərazisindəki şadlıq saraylarının birində baş verib. Şəhər sakini Şahin Qaraşov toyda musiqi sifariş verib. Lakin həmin musiqi səsləndirilmədiyindən o, əsəbiləşərək restoranın qapısına yumruq vurub. Bu zaman şüşə qapı sınıb və nəticədə Ş.Qaraşovun əli kəsilib. O, xəstəxanaya aparılıb və əlinə tikiş atılıb.

Qeyd edək ki, Ş.Qaraşov hadisəni törədərkən sərxoş olub.