Sabirabadın kənd məktəbində istiliyin verilişi bərpa edilib - YENİLƏNİB
Sabirabad rayonu Kovlar kənd tam orta məktəbində istiliyin verilişi bərpa olunub.
1news.az xəbər verir ki, bu barədə Elm və Təhsil Nazirliyinin (ETN) İctimaiyyətlə əlaqələr sektorunun müdiri Cəsarət Valehov sosial şəbəkə hesabında paylaşım edib.
15:29
Sosial şəbəkələrdə Sabirabad rayon Kovlar kənd tam orta məktəbi ilə bağlı foto yayılıb.
1news.az xəbər verir ki, məktəbdə istilik sisteminin olmaması ilə bağlı şagirdlər “Soyuqdan donuruq” yazılan kağızları əllərində tutaraq foto çəkdirib, narazılıqlarını bu formada bildiriblər.
Məsələ ilə bağlı xəbər verir ki, Elm və Təhsil Nazirliyinin İctimaiyyətlə əlaqələr sektorunun müdiri Cəsarət Valehov sosial şəbəkə hesabında yazaraq bildirib ki, Sabirabad rayonu Kolar kənd tam orta məktəbinin istilik sistemi dizel qazanxana ilə işləyir.
“Məktəbə dizel yanacağı verildikdən sonra qazanxana işə salınıb və bundan sonra bəzi problemlər ortaya çıxıb. Hazırda ustalar təmir işləri aparır və ən geci sabah məktəbdə istilik bərpa olunacaq” – deyə, o bildirib.
1news.az
