Saməddin Əsədov: “Biz konqresə hazırlığın icra səviyyəsindəyik”

"Gələn il oktyabr ayının əvvəli ölkəmizdə Beynəlxalq Astronavtika Konqresi keçiriləcək".

1news.az xəbər verir ki, bu sözləri Beynəlxalq Astronavtika Konqresində Rəqəmsal İnkişaf və Nəqliyyat Nazirliyi yanında Kosmik Agentliyinin sədri Saməddin Əsədov jurnalistlərə açıqlamasında deyib.

“Bu baxımdan bu həftə Beynəlxalq Astronavtika Federasiyasının Azərbaycana səfər edir və Azərbaycan Kosmik Agentliyinin gələn il keçiriləcək Beynəlxalq Astronavtika Konqresinə hazırlıq işləri ilə tanış olmaq məqsədi ilə müzakirələr aparacaq.

Bildiyiniz kimi gələn keçiriləcək konqres ölkəmizdə idman tədbirlərindən sonra ən çox əcnəbi şəxslərin ölkəyə səfəri ilə yadda qalacaq. Bu baxımdan bütün dövlət qurumlarının birgə planlı və koordiyasiyalı şəkildə işini əhəmiyyətli edir.
Bu ilin əvvəli cənab prezidentin sərəncamı ilə baş nazirin rəhbərliyi ilə Xüsusi Təşkilat Komitəsi yaradılmışdır. Təşkilat Komitəsinin göstərişləri və rəhbərliyi ilə dövlət qurumları konqresə hazırlığı yüksək səviyyədə aparırlar. Artıq planlama mərhələsi yekunlaşıb və biz konqresə hazırığın icra səviyyəsindəyik".

S.Əsədov bu gün ADA universitetində federasiya rəhbərliyi ilə təhsil müəssisələrinin və o cümlədən, Elm və Təhsil Nazirliyinin rəhbərliyi ilə bir görüş təşkil edildiyini qeyd edib:

"Bu görüşün məqsədi ölkəmizin ali təhsil müəssisələrinin konqreslə bağlı məlumatlılığının artırılması və o cümlədənəməkdaşlıq imkanlarının müzakirəsidir. Bu konqres dünyada beynəlxalq səviyyədə elmi cəmiyyətin keçirdiyi ən böyük konqreslərdən biri hesab olunur. Bu baxımdan Azərbaycanda elm insanlarının, təhsil müəssisələrinin elmi işlərinin hazırlanması bu konqresdə əhəmiyyət kəsb edir. Belə ki, bu konqresdə iştirak həmin şəxslərə dünyanın kosmos sahəsində ən güclü ekspertləri ilə tanışlıq imkanı yaradacaq. Onlarla müzakirə, əməkdaşlıq imkanlarının yaradılması və həmçinin ölkəmizin gələcəkdə elm, texnologiya, innovasiya və kosmos sahəsində inkişaf perspektivlərini müzakirə etməyə imkan verəcək”.