1700-ə yaxın şəhid övladının tibbi xərcləri PAŞA Sığorta tərəfindən qarşılanacaq

“PAŞA Sığorta tərəfindən 44 günlük Vətən müharibəsi və 2022-ci ilin sentyabrındakı erməni təxribatları zamanı şəhid olan qəhrəmanların 18 yaşadək övladları 2023-cü il ərzində tibbi sığorta ilə təmin ediləcək”.

1news.az xəbər verir ki, bunu PAŞA Sığorta şirkətinin Marketinq departamentinin rəhbəri Məruz Əzməmmədova deyib.

“Bu şəhid övladlarımızın 2023-cü il üzrə bütün tibbi xərcləri PAŞA Sığorta tərəfindən qarşılanacaq” - deyə, M.Əzməmmədova əlavə edib. Genişləndirilmiş sığorta paketi həm də stomotologiya sahəsi və xroniki xəstəlikləri əhatə edəcək.