Uşaq və yeniyetmələrdə qəfil ölüm səbəbləri - “Çıxışa doğru”da MÜZAKİRƏ
Son vaxtlar ölkədə məktəb yaşlı uşaqlar arasında qəfil ölüm hallarının sayının artması müşahidə olunur.
Bu günlərdə Gəncədə kirayədə qalan yeniyetmənin qəflətən halının pisləşməsi, yaxınları tərəfindən xəstəxanaya çatdırılarkən yolda vəfat etməsi, Bakıda 7-ci sinif şagirdinə ilkin tibbi yardım göstərilməsinə baxmayaraq, xəstəxanaya aparılarkən yolda keçinməsi və buna qədər uşaq və yeniyetmələrin hansı səbəbdən qəflətən vəfat etmələri mətbuata açıqlanmadığı üçün cəmiyyətdə ciddi narahatlıq doğurur.
Bəs, məktəb yaşlı uşaqların qəfil ölümlərinin səbəbi nədir? Bu cür faciələrin yaşanmaması üçün valideynlər nələrə diqqət etməlidirlər?
1news.az-ın məlumatına görə AzTV-nin “Çıxışa doğru” verilişində "Uşaq və yeniyetmələrdə qəfil ölüm səbəbləri" mövzusunda aparılan müzakirələr zamanı bu barədə ətraflı danışılıb. Verilişin qonaqları Şəbnəm Şahgəldiyeva - TƏBİB-in İlkin Səhiyyə və Təcili Yardım departamentinin böyük məsləhətçisi, Nərmin Abbasova - “Məktəblinin dostu” layihəsinin psixoloji mərkəzinin psixoloqu, Şahin Rəcəb - Azərbaycan Valideyn Müəllim Assosiasiyasının icraçı direktoru, kulturoloq və Sevinc Əlizadə - psixoloq, mövzu ətrafında müzakirə aparıblar.
“Çıxışa doğru” verilişini bütöv şəkildə Azərbaycan Televiziyasının “YouTube” kanalından izləyə bilərsiniz:
