AAYDA qeyri-sabit hava şəraiti ilə əlaqədar gücləndirilmiş iş rejimində çalışır
Azərbaycan Avtomobil Yolları Dövlət Agentliyi mövcud hava şəraiti ilə əlaqədar olaraq sürücülərə müraciət edib.
Agentliyin İctimaiyyətlə əlaqələr şöbəsindən 1news.az-a bildirilib ki, ölkə ərazisində müşahidə olunan qeyri-sabit hava şəraiti ilə əlaqədar olaraq agentlik gücləndirilmiş iş rejimində çalışır, yollarda yarana biləcək hər hansı problemi qısa müddət ərzində aradan qaldırmaq üçün bütün maşın-mexanizm və texnikalar hazır vəziyyətə gətirilib.
Mövcud hava şəraiti ilə əlaqədar olaraq sürücülərdən xüsusən dağlıq və dağətəyi ərazilərdən keçən avtomobil yollarında hərəkətdə olarkən ehtiyatlı olmalarını, sürət həddinə əməl etmələrini və meteoroloji amilləri nəzərə almalarını xahiş edilir.
Həmçinin idarə etdikləri nəqliyyat vasitələri üçün mövsümə uyğun şinlərdən istifadə etməyi tövsiyə olunur.
