Od çərşənbəsində 34 000 ağac əkilib

Od çərşənbəsində Regional Meşə Təsərrüfatı Mərkəzlərinin əməkdaşlarının iştirakı ilə Zaqatala, Şəki, Oğuz, Qəbələ, Şamaxı, Şabran, Göygöl, Sabirabad, Şirvan, Xaçmaz, Quba, Ağdaş, Ağstafa, Tovuz, Şəmkir, Ağcabədi, İmişli, Masallı rayonlarının meşə fondu torpaqlarının açıq və seyrək sahələrində ümumilikdə 34 000 müxtəlif növ ağac tingi əkilib, 125 kiloqram toxum səpilib.

1news.az xəbər verir ki, Meşələrin İnkişafı Xidmətinin rəsmisi Cabbar Qəribov Novruz bayramının xüsusi günlərindən olan çərşənbələrdə ağacəkmə aksiyalarının keçirilməsinin ölkəmizdə artıq ənənəyə çevrildiyini və ictimaiyyət nümayəndələrinin də bu tədbirlərdə yaxından iştirak etdiyini vurğulayıb.