Bakıda avtobusda dava oldu, gənc oğlana cinayət işi açıldı - VİDEO
Bakıda marşrut avtobusunda sərnişinlər arasında əlbəyaxa dava olub.
1news.az xəbər verir ki, hadisənin görüntüləri sosial şəbəkədə yayılıb.
Bugünlərdə çəkildiyi bildirilən videoda gənc oğlanla orta yaşlı kişi sərnişin arasında mübahisənin yarandığı və gəncin ilk olaraq onu vurduğu görünür. Bundan sonra orta yaşlı sərnişin gənc oğlanı avtobusun döşəməsinə yıxaraq ona zərbələr endirib.
Bakı Nəqliyyat Agentliyindən “Qafqazinfo”ya bildirilib ki, hadisənin hansı marşrut xəttində baş verməsi barədə onlarda məlumat yoxdur.
***
DİN-in Mətbuat xidmətinin əməkdaşı Nurlan Əliyev "Qafqazinfo"nun sorğusuna cavab olaraq bildirib ki, görüntülər polis tərəfindən araşdırılıb: "Hadisə Nizami rayonu ərazisində - 66 saylı marşurutda qeydə alınıb. 2001-ci il təvəllüdlü A.Talıblı barədə CM-nin 221.1-ci (xuliqanlıq) maddəsi ilə cinayət işi açılıb. Toplanan materiallar aidiyyəti üzrə məhkəməyə göndərilib".
