Rəşad Dağlının məhkəməsi: “Dedi ki, Rəşad barədə xoşagəlməz söhbət var” | 1news.az | Xəbərlər
Mədəniyyət

Rəşad Dağlının məhkəməsi: “Dedi ki, Rəşad barədə xoşagəlməz söhbət var”

16:13 - 26 / 04 / 2023
Rəşad Dağlının məhkəməsi: “Dedi ki, Rəşad barədə xoşagəlməz söhbət var”

Tanınmış meyxanaçı Rəşad Dağlı tərəfindən öldürülən İskəndər Mehdiyevin hüquqi varisinin kimliyi məlum olub.

1news.az-ın “Qafqazinfo”ya istinadən məlumatına görə, mərhumun qardaşlarından biri Etibar Mehdiyev zərərçəkmişin hüquqi varisi kimi işə cəlb edilib. Belə ki, Rəşad Dağlı ilə görüşməzdən əvvəl İskəndər Mehdiyevin yanında məhz Etibar Mehdiyev olub. Onların telefon danışıqlarına şahidlik edib.

“Qafqazinfo” E.Mehdiyevin ibtidai istintaq müddətində verdiyi ifadənin məzmunu barədə bir sıra detalları da əldə edib.

Məlum olub ki, Etibar İskəndərlə Rəşad Dağlının görüşəcəyindən xəbərdar olsa da, onların bıçaqlı mübahisə edəcəyini düşünməyib: “Biz ailədə üç qardaşıq. İskəndər balacamız idi, subay idi. Bizimlə eyni ünvanda yaşayırdı. Uşaq yaşlarında üstünə dəmir darvaza aşdığı üçün başından ağır xəsarət almış, psixikası pozulmuşdu. Hətta buna görə ona əlillik də verilmişdi, təqaüd alırdı. Qardaşım narkotik istifadəçisi olduğuna görə üç dəfə məhkum edilmişdi. Lakin heç kimlə düşmənçiliyi yox idi.

Rəşadı uşaq yaşlarından tanıyırıq, babası bizimlə qonşu olub. Münasibətimiz yaxşı olub, dəfələrlə evimizə gəlib-gedib. Son 3-4 ildə gediş-gəlişimiz azalsa da, münasibətimiz normal idi, mehriban olmuşuq.

İskəndər həbsdən təzə çıxmışdı. Çıxandan 1-2 gün sonra Rəşadı axtarmağa başladı, amma tapa bilmədi. Sonradan bildim ki, İskəndər Rəşadın nömrəsini tapıb zəng vurub. Noyabrın 8-dən 9-a keçən gecə saat 4 radələrində İskəndər dedi ki, Rəşad bizə gələcək, evdə oturacaqlar. Hətta çay da qoydu. Az sonra Rəşad İskəndərə zəng elədi. Telefon danışıqlarından başa düşdüm ki, birlikdə harasa gedəcəklər. Telefonu söndürəndən sonra İskəndər aqressivləşdi. Ondan nə baş verdiyini soruşanda dedi ki, Rəşad barədə xoşagəlməz söhbət var, onlar bir yerdə söhbətə gedəcəklər. Soruşdum ki, nə məsələdir, bir kəlmə dedi ki, üzdəniraq söhbətidir. İskəndər dedi ki, “Rəşad çaşsa, onu vuracağam”. Mən İskəndərlə Rəşadın münasibətinin yaxşı olduğunu bildiyim üçün onun Dağlını vurmaq barədə dediklərini ciddiyə almadım”.

Hüquqi varis ifadəsində Rəşad Dağlıya qarşı şikayət və tələbləri olmadığını deyib: “İskəndər evdən çıxanda dedi ki, “Rəşad bu söhbəti həll eləməlidir”. Həmin vaxt bunu başa düşməmişdim. Hadisədən sonra bildim ki, İskəndər söhbəti həll eləmək deyəndə kimisə susdurmağı nəzərdə tuturmuş. Yəni, qardaşım Rəşada kiməsə susması üçün pul vermək lazım olduğunu deyib.

Qardaşımla uzun danışmağa imkanım olmadı, az sonra evdən çıxdı. Onların arasında dava olacağını bilsəydim, getməsinə icazə verməzdim. Evdən çıxanda ancaq telefonunu götürdü. Bir neçə saat sonra qohumlar zəng vurdu ki, mətbuatda İskəndərin Rəşad Dağlı tərəfindən öldürüldüyünü görüblər. Dərhal hadisə barədə maraqlandım və məlumatın düz olduğunu öyrəndim. Mən və ailə üzvlərimin hər hansı şikayət və tələbi yoxdur, gələcəkdə də olmayacaq”.

Qeyd edək ki, Rəşad Dağlı 2022-ci il noyabrın 9-da toy məclisindən çıxandan sonra qonşusu İskəndər Mehdiyevlə telefonda mübahisə edib. O, söhbətə aydınlıq gətirmək üçün İskəndərlə Lökbatan dairəsi yaxınlığında öz maşınında görüşüb. Maşında onu bıçaq zərbələri ilə qətlə yetirib. Meyiti həmin əraziyə atdıqdan sonra könüllü olaraq polisə təslim olub. Rəşad Dağlı barəsində Cinayət Məcəlləsinin 120.1 (qəsdən adam öldürmə) və 228.4-cü maddələri (qanunsuz soyuq silah gəzdirmə) cinayət işi açılıb. Hazırda işə Bakı Ağır Cinayətlər Məhkəməsində hakim Leyla Əsgərova-Məmmədovanın sədrliyi ilə baxılır.

Paylaş:
1192

Son xəbərlər

Ali təhsil müəssisələrində təhsil alan əlilliyi olan şəxslərin sayı açıqlanıbBu gün, 11:54Nərimanov rayonu ərazisində oğurluq etməkdə şübhəli bilinən iki nəfər saxlanılıbBu gün, 11:44Əmtəə bazarlarında qızıl və gümüş ucuzlaşıbBu gün, 11:42Qobuda azyaşlıya sahibsiz it hücum edərək xəsarət yetiribBu gün, 11:30Azərbaycan Ordusunda hərbi qulluqçuların maarifləndirilməsi üzrə keçirilən tədbirlər davam etdirilirBu gün, 11:24ZEEKR brendi artıq rəsmi olaraq Azərbaycanda!Bu gün, 11:15SN: Genetika piylənmənin əsas faktorlarından biridirBu gün, 11:06Xankəndidə narkotik vasitə və silah-sursat aşkar edilib - FOTOBu gün, 10:54Prezident Bolqarıstan Xalq Məclisinin sədrini qəbul edibBu gün, 10:45“Qida təhlükəsizliyinə risk əsaslı dövlət nəzarətinin aparılması Qaydası” təsdiqlənibBu gün, 10:34Binəqədinın qaz təchizatında fasilə yaranacaqBu gün, 10:31Göyçayda ağır yol qəzası olub, ölənlər və yaralı varBu gün, 10:06“ROG Zephyrus G16 2024”: hər anı güc, üslub və universallıq vəd edən noutbuk – FOTOBu gün, 10:00Nyu-York birjasında təbii qazın qiyməti yenidən artıbBu gün, 09:52Cəbrayıl polisi narkotiklərin qanunsuz dövriyyəsi ilə məşğul olan 2 nəfəri saxlayıb - FOTOBu gün, 09:26AMB valyuta məzənnələrini açıqladıBu gün, 09:23Tovuzda avtomobil piyadanı vuraraq öldürübBu gün, 09:09Ağsuda narkotiklərin qanunsuz dövriyyəsində şübhəli bililən şəxslər saxlanılıblarBu gün, 08:48Paytaxtın bu küçələrində sıxlıq yaranıb - SİYAHIBu gün, 08:29Bolqarıstan parlamentinin sədri Azərbaycana rəsmi səfərə gəlibBu gün, 08:22
Bütün xəbərlər