Buraxılış imtahanı nəyə görə tez keçirilir? - Nazir cavab verdi

“Son illərdə apardığımız monitorinqlər göstərir ki, buraxılış siniflərində davamiyyət müəyyən mənada aşağı olur”.

1news.az APA-ya istinadən xəbər verir ki, bunu jurnalistlərə açıqlamasında elm və təhsil naziri Emin Əmrullayev deyib.

Nazir qeyd edib ki, burada məktəblərin üzərinə müəyyən məsuliyyət düşür.

“Məktəblər 11-ci siniflərdə tədris müddətinin son aylarında şagirdlərdə maraq yaratmalıdır ki, onlar dərsə gəlsinlər. Düşünürəm ki, məktəblər şagirdlərlə daha sıx işləməlidir. Buraxılış imtahanlarının tez keçirilməsinə gəldikdə isə, Dövlət İmtahan Mərkəzinə açıq sualları yoxlayıb çatdırmaq üçün vaxt lazımdır. Dünya təcrübəsində də bu var”, - nazir əlavə edib.