Bakı Amerika Mərkəzində “Yaşıl enerjiyə keçid” mövzusunda tədbir keçirilib
“2050-ci ilə qədər qlobal enerji sektorunda xalis sıfır tullantılara çatmaq planları üzrə konkret hədəflərlər qoyulub”.
1news.az xəbər verir ki, bu sözləri ABŞ-ın Azərbaycandakı səfirliyi tərəfindən təşkil olunan “Yaşıl enerjiyə keçid” mövzusundakı tədbir zamanı Birləşmiş Ştatların Milli Bərpa Olunan Enerji Laboratoriyasının İcraçı Direktoru Duqlas Arent deyib.
Bakı Amerika Mərkəzində təşkil olunan tədbirə onlayn formatda qatılan D.Arent gələcək illər üçün dekarbonizasiya, sıfır tullantı hədəfinə keçidin vacibliyini vurğulamaqla yanaşı, 2050-ci ilə qədər qlobal enerji sektorunda xalis sıfır tullantılara çatmaq planları üzrə konkret hədəflərlər qoyulduğunu bildirib.
“Yaşıl enerji”nin yayılmasında ən önəmli məsələ kommunikasiya olduğunu vurğulayan, Duqlas Arent bu nəqliyyat sektorunda hidrogendən istifadə, yaşıl enerjidə hidrogenin rolu, addımın ölkələrarası enerji konsturaksiyasının inkişafına səbəb olacağını da vurğulayıb.
Duqlas beynəlxalq enerji inkişafında “Yaşıl enerji”nin rolunun əvəzolunmaz olduğunu da qeyd edib.
Həmçinin, o, Azərbaycan da “Yaşıl enerji” sahəsində öz fəaliyyətini göstərdiyini, bu cür məlumatlandırma xarakterli informasiyaların yayılmasının “Yaşıl enerji”nin inkişafına öz müsbət təsirini göstərəcəyini deyib.
