Gürcüstan Parlamentinin deputatı: “Gürcüstan-Azərbaycan münasibətləri yanlız bölgə üçün deyil, bütün dünya üçün əhəmiyyətlidir”

“Bu gün Gürcüstan-Azərbaycan münasibətləri dünya üçün nümunədir”.

Bunu 1news.az-a açıqlamasında Azərbaycan Milli Məclisində Ulu öndər Heydər Əliyevin anadan olmasının 100-cü ildönümünə həsr olunmuş xüsusi iclasda iştirak edən Gürcüstan Parlamentinin üzvü Zaur Darğalı deyib.

“Azərbaycan Gürcüstan üçün dost, strateji müttəfiq dövlətdir. Bu gün bölgədə gedən proseslər onu göstərir ki, Gürcüstan-Azərbaycan münasibətləri yanlız bizim bölgə üçün, bütün dünya üçün əhəmiyyətlidir. Enerji təhlükəsizliyi baxımından, həm şərq-qərb əlaqələrində, müxtəlif istiqamətlərdə əlaqələrin güclənməsi baxımından gedən proseslərin təməli Ulu öndər Heydər Əliyev tərəfindən qoyulub”.

“Biz bu gün onu görürük ki, o nəsil siyasətçilər bölgənin gələcək inkişafını, bölgənin gələcək təhlükəsizliyini görərək düzgün addımlar atıblar” – deyə, Z.Darğalı əlavə edib:

“Bunu həm Gürcüstan, həm də Azərbaycan tərəf qəbul edir ki, təməlin banisi Heydər Əliyev olub. Bizim üçün bugünkü tədbirdə iştirak etmək xüsusi önəm daşıyır. Həm Azərbaycan Prezidenti, həm də baş nazir ilə görüşlərdə hər iki tərəf vurğulayır ki, Gürcüstan-Azərbaycan dostluğu bu gün ən möhkəm bağlara, dostluq, stateji bağlarına malikdir. Hər iki tərəf bizim xalqlarımızın, bölgəmizin sülh və əminamanlıq içində yaşaması üçün bu gün düzgün, düşünülmüş addımlar atır”.