Şüvəlanda yerləşən “McDonald's” restoranı təmirdən sonra yenidən fəaliyyətə başlayıb - FOTO
Şüvəlan qəsəbəsində, Almas İldırım küçəsi 68 ünvanında yerləşən “McDonald's” restoranı təmirdən sonra yenidən qapılarını ziyarətçilərin üzünə açıb.
Modernləşdirilmiş restoran qida sənayesi sahəsində mövcud ən son texnologiyaların tələblərinə cavab verən avadanlıqlarla təchiz olunub.
Yüksək tələb səbəbindən oturacaqların sayı 104-dən 115-ə çatdırılıb, “Alphabet” dizaynı isə qonaqların restoranda daha rahat vaxt keçirməsinə şərait yaradır.
Yeni təmirdən çıxmış “McDonald's” öz qonaqlarına sifarişlərin qəbulu prosesini sürətləndirən daha rahat və təkmilləşdirilmiş “MakAvto” xidmətini təklif edir. Bu prosesi asanlaşdırmaq üçün qurulmuş interaktiv köşk müştəri qəbulu sayını artırmağa imkan verir.
Restoranda “table service” (“masada xidmət”) xidmətinin göstərilməsinə başlanılıb ki, bu da ziyarətçilərə kassa aparatları və ya interaktiv özünəxidmət köşkləri vasitəsilə etdikləri sifarişləri artıq masa arxasında qəbul etməyə imkan verir.
Ən qabaqcıl ictimai iaşə şəbəkələrindən biri olaraq, hazırda ölkədə 22 restoranı fəaliyyət göstərən “McDonald’s” şirkəti 2000 nəfərdən çox Azərbaycan vətəndaşını iş yeri ilə təmin edir.
Şirkət mövcud restoranların modernləşdirilməsinə və yeni restoranların açılışına sərmayə qoymaqla həm də yerli istehsalın genişlənməsinə, bununla da Azərbaycanda qeyri-neft sektorunun inkişafına ciddi töhfə verir.
Qeyd edək ki, “McDonald's Azərbaycan”ın tədarük, logistika, rekruitment, informasiya texnologiyaları və marketinq kimi iqtisadiyyatın müxtəlif sektorlarını təmsil edən 100-dən çox yerli şirkət ilə əməkdaşlığı xüsusi əhəmiyyət kəsb edir. Şübhəsiz ki, bu səmərəli əməkdaşlıq bütövlükdə Azərbaycan iqtisadiyyatının inkişafına mühüm töhfə verir.
