NİİM: Bu il yol qəzalarında 7 uşaq ölüb, 27-si xəsarət alıb
"Bu il yol qəzalarında 7 uşaq ölüb, 27 nəfər xəsarət alıb".
1news.az APA-ya istinadla xəbər verir ki, bunu Daxili İşlər Nazirliyi Nəqliyyatın İntellektual İdarəetmə Mərkəzinin rəhbəri Namidan Piriyev "Uşaqlar, hüquqlar, qəzalar və çıxış yolları" adlı tədbirdə deyib .
Onun sözlərinə görə, ötən il isə yol qəzalarında 57 uşaq ölüb, 5 uşaq xəsarət alıb:
"Qəzaların statistikasını hazırlanarkən uşaqlarla bağlı statistik göstəricilər ayrıca verilir. Ölüm və xəsarətlə nəticələnən bu hadisələrin təməlində bəzən piyadaların öz həyatlarını heçə sayması, ani diqqətsizliyi və ya məsuliyyətsizliyi dayanır".
"“Gedəcəyim ünvana daha tez çatım” prinsipini əsas tutan belə piyadalar yola necə gəldi çıxırlar. Təəssüf ki, ölümü keçiddən üstün sayan piyadalar hətta 4-6 zolaqlı, sürətli yollarda belə yaxınlaşan avtomobilin qarşısına qəfil çıxmaqla qəzaların qurbanına çevrilirlər", - deyə o qeyd edib.
